ab tou shehron se khabar aati hai deewano ki

koi pehchaan hi baaqi nahi veerano ki

ab to shehro se khabar aati hai deewano ki

koi pehchan hi baqi nahi veerano ki

apni poshak se hushyaar ki khuddam e qadeem

dhajjiyan mangte hein apne girebano ki

sanate phailti jati hein magar es ke saath

sarhaden toot'ti jati hein gulistano ki

dil mein wo zakhm khile hein ke chaman kyaa shai hai

ghar mein baarat si utrii hui gul-danon ki

un ko kya fikr ke main paar laga yaa dooba

behas karte rahe sahil pe jo toofano ki

teri rehmat to musallam hai magar ye to bataa

kaun bijli ko khabar deta hai kashano ki

maqbare bante hein zindon ke makano se buland

kis qadar auj pe takreem hai insano ki

ek ek yaad ke haatho pe charaghon bharey tasht

kaaba e dil ki fazaa hai ke sanam khano ki

ameen e raaz hai mardaan e hurr ki darveshi

 

ki jibra'eel se hai uss ko nisbat e khaveshi

ameen e raaz hai mardaan e hurr ki darveshi

ki jibra'eel se hai uss ko nisbat e khveshi

kise khabar ke safeeney dubo chuki kitne

faqih o sufii o shaair ki naakhush andeshi

nigaah e garm ki sheron ke jis se hosh urr jaein

na aah e sard ki hai gosfandi o meshi

tabib e ishq ne dekhaa mujhe to farmaya

teraa maraz hai faqat arzoo ki be nishi

vo shai kuchh aur hai kahte hein jaan e paak jise

ye rang o nam ye lahuu aab o naa ki hai beshi

mujhe fikr e jahan kyu ho jahan tera hai yaa mera

 

agar kaj-rao hein anjum asmaan tera hai yaa mera

agar kaj-rao hein anjum asmaan tera hai yaa mera

mujhe fikr e jahan kyu ho jahan tera hai yaa mera

agar hangama haae shauq se hai laa makan khali

khataa kis ki hai yaa rab laa makan tera hai yaa mera

usey subh e azal inkaar ki jurat hui kyun kar

mujhe maloom kyaa vo raazdaan tera hai yaa mera

mohammad bhi tera jibreel bhi qur'aan bhi tera

magar ye harf e sheerin tarjuman tera hai yaa mera

isi kaukab ki taabaani se hai tera jahan roshan

zawaal e aadam e khaaki ziyaan tera hai yaa mera

karte hein khitaab aakhir uthey hein hijaab aakhir

 

aflaak se ataa hai nalon kaa javaab akhir

aflaak se ataa hai nalon kaa javaab akhir

karte hein khitaab akhir uthey hein hijaab aakhir

ahvaal e mohabbat mein kuchh farq nahi aisa

soz o tab o taab avval soz o tab o taab akhir

mein tujh ko bataata hun taqdir e umam kyaa hai

shamshir o sinaa avval taa'oos o rabaab akhir

mai khaana e europe ke dastoor niraley hein

laatey hein suroor awwal detey hein sharaab akhir

kyaa dabdaba e naadir kyaa shaukat e taimoori

ho jaatey hein sab daftar gharq e mai e naab aakhir

khalwat ki ghadii guzri jalvat ki ghadii aai

chhutney ko hai bijli se aaghosh e sahaab aakhir

thaa zabt bohat mushkil is sail e ma'aani kaa

keh daaley qalandar ne asraar e kitaab aakhir

aalam e aab o khaak o baad sirr e ayaan hai tuu ki mein

 

aalam e aab o khaak o baad sirr e ayaan hai tuu ke mein

aalam e aab o khaak o baad sirr e ayaan hai tuu ke mein

vo jo nazar se hai nihaan uss kaa jahan hai tuu ke mein

vo shab e dard o soz o gham kehte hein zindagi jise

uss ki sahar hai tuu ke mein uss ki azaan hai tuu ke mein

kis ki numood ke liye shaam o sahar hein garm e sair

shaana e rozgaar par baar e giraan hai tuu ke mein

tuu kaf e khaak o be basar mein kaf e khaak o khud nigar

kisht e vajood ke liye aab e ravaan hai tuu ke mein

har baras hi giran guzarte hein

Amjad Islam Amjad ki ek khoobsurat nazam

har baras hi giran guzarte hein

har baras hi giran guzarte hein

khwahisho ke nigar khaney mein

kaisey kaisey guman guzarte hein

raftagan key bikharte salon ki

ek mehfil si dil me sajti hai

phone ki diary ke safho se

kitney number pukarte hein mujhe

jin se marboot ha nawa ghanti

ab faqat mery dil me bajti hai

kis qadar pyarey pyarey namo per

reengti badnuma lakeerein si

meri ankhon me phail jati hein

dooryan dairey banati hein

dhyan ki sirhiyon me kya kya aks

mash'alein dard ki jalate hein

aisey kaghaz pe phail jatey hein

hadsey ke maqam per jaisey

khoon key sookhey nishano per

chaak ki laainey lagatey hein

har december ke akhri din mein

har baras ki tarha ab bhi

diary ek sawal karti hai

kya khabar es baras ke aakhir tak

merey in be charagh safhon sey

kitney hi naam kat gaey hon gey

kitney number bikhar ke raston me

gard mazi se att gaey hon gey

khaak ki dheryon ke daman mein

kitney toofan simat gaey hon gey

har December me sochta hun mein

ek din es tarha bhi hona hai

rang ko roshni me khona hai

apney apney gharon me rakhi hui

diary dost dekhtey hon gey

in ki ankhon key khakdano mein

ek sehra sa phailta ho ga

aur kuch be nishan safhon sey

naam mera bhi

katt gaya ho ga !!

Amjad Islam Amjad

 

mein dil pe jabr karun ga, tujhey bhula dun ga

Mein dil pe jabr karun ga

mein dil pe jabr karun ga, tujhey bhula dun ga

marun ga khud bhi tujhey bhi karri saza dun ga

ye teergi mery ghar ka hi kyun muqaddar ho?

mein terey shehr key sary dye bhuja dun ga

hawa ka hath bataon ga har tabahi mein

harey shajar se parindey mein khud ura dun ga

wafa karu ga kisi swgawar chehrey sey

purani qabar per katba naya saja dun ga

isi khayal mein guzri hai sham dard aksar

ke dard hadd se barhey ga tou muskura dun ga

tuu aasman ki surat hai, gir parey ga kabhi

zamin hun mein bhi magar tujh ko aasra dun ga

barha rahi hein merey dukh, nishanyan teri

mein tery khat, teri tasveer tak jala dun ga

 boht dino sey mera dil udaas hai Mohsin

es aainey ko koi aks ab naya dun ga

uss shakhs ke lehjey mein sheeshey ki khanak hai

uss shakhs key lehjey mein sheeshey ki khanak hai

uss shakhs key lehjey mein sheeshey ki khanak hai

rag rag mein utarta hai, sharabon ki tarha hai

gumshuda mohabbt ke khwabon ki tarha hai

wo rooh key sehra mein sarabon ki tarha hai

wo zeest key maktab mein nisabon ki tarha hai

parhta hun usey roz, kitabon ki tarha hai

ab uss sey khayalon mei hi ho jati hein batein

Go beech mein parda hai, hijabon ki tarha hai

uss shakhs ke lehjey mein sheeshey ki khanak hai

rag rag mein utarta ha, sharabon ki tarha hai

uss shakhs ke paikar mein hai shakhon ki lachak si

uss shakhs ka chehra bhi...gulabon ki tarha hai

jo wasl ki raton mein hai ek mah e musalsal

furqat mein wohi shakhs, azabon ki tarha hai

saath tera agar kabhi na rahe

saath tera agar kabhi na rahe

sath tera agar kabhi na rahe

dil mein shayad kabhi khushi na rahe

lab kushai ki kuch ijazat dey

baat honton mein hi dabi na rahe

dosti sabar aazma na bana

ye na ho ham mein dosti na rahe

baat aisi no! kr ke apas mein

koi karney ko baat hi na rahe

zindagi es tarha sey talkh na kar

dil ko parwah jaan ki na rahe

kam hai auron ki bey rukhi ka malal

ab tou apno mein yar bhi na rahe

udaas raton mei, taiz coffee ki talkhion mei

 

wo kuch ziada hi yaad aata hai sardio mein

udaas raaton mei, taiz coffee ki talkhion mei

wo kuch ziada hi yaad aata hai sardio mei

mujhe ijazat nahi hai uss ko pukarney ki

jo goonjta hai lahoo mei, seeney ki dharkano mei

tum apni pouron se jaaney kia likh gaye they jana

charagh roshan hain ab bhi meri hatheliyon mei

jo tu nahi hai to ye mukammal na ho saken gi

teri yeh ehmiyat hai meri kahaniyon mei

har ek mousam roshni si bikhairty hein

tumhary gham ki charagh meri udasiyon mei

kabhi jo toot ke barsa December

 

Kabhi jo toot ke barsa December

Kabhi jo toot ke barsa December

Laga Apna Bohat Apna December

Guzar jata hai sara saal youn to

nahin kat'ta magar tanha December

Bhala Barish say kia Sairaab Hoga

Tumharay Wasl ka piyasa December

Woh kab bichra, nahi, ab yaad, lekin

Bus Itna yaa hai k tha December

Jama Poonji yehi hai umar bhar ki

Meri tanhai aur mera December !!

abhi hijr ka qayam hai aur december aan pohncha hai

 

December Aaan Pohncha Hai

Abhi hijr ka qayam hai aur December aan pohncha hai

Ye khabar sheher men aam hai Dcember aan pohncha hai

aangan men utar aai hai manoos see khushbu

yaadon ka asdaham hai December aan pohnca hai

khamoshyon ka raaj hai, khizan taak mein hai

udaasi bhi bohat aam hai, December aan pohncha hai

terey aaney ki umeed bhi ho chali madoom

naey baras ka ehtemam hai, December aan pohncha hai

Khunak raat mein tanhai bhi chokhat pe khaRi hai

Jarey ki udaas shaam hai, December aan pohncha hai

Tum aao tou merey mosmon ki bhi takmil ho jaey

nai rut tou sare e baam hai, December aan pohncha hai

phir yun hua ke dil mein kisi ko basa liya

phir yun hua key dil mein kisi ko basa liya

phir yun hua key khwab sajaey tamam umr

phir yun hua key dil mein kisi ko basa liya

phir yun hua key khwab sajaey tamam umr

phir yun hua key nikley kisi ki talash mein

phir yun hua key khud ko na paey tamam umr

phir yun hua key baton mein hum uss ki aa gaey

phir yun hua key dhokey hi khaey tamam umr

phir yun hua key dukh hamen mahboob ho gaey

phir yun hua ke dil sey lagaey tamam umr

phir yun hua key aur kisi key na ho sakey

phir yun hua key wadey nibhaey tamam umr

phir yun hua key beth gaey rao me Ghayass

phir yun hua key wo bhi na aaey tamam umr

apne ghar ki khirki se main asmaan ko dekhunga

apne ghar ki khirki se mein asman ko dekhunga

jis par tera nam likha hai us tarey ko dhundunga

apne ghar ki khirki se mein asmaan ko dekhunga

jis par tera nam likha hai uss tarey ko dhundunga

tum bhi har shab diya jala kar palkon ki dehliz per rakhna

mein bhi roz ek khvaab tumharey shahar ki jaanib bhejunga

hijr ke darya mein tum parhna lehron ki tahriren bhi

paani ki har sater pe mein kuchh dil ki baten likhunga

jis tanhaa se pairrh ke nichey hum barish mein bhigey they

tum bhi uss ko chhuu ke guzarna mein bhi uss se liptunga

khwaab musafir lamhon key hein saath kahaan tak jaaenge

tum ney bilkul theek kaha hai mein bhi ab kuchh sochunga

baadal orrh key guzrunga mein tere ghar ke angan sey

qaus e quzah key sab rangon mein tujh ko bhigaa dekhunga

be-mausam barish ki surrat der talak aur door talak

tere dayaar e husn pe mein bhii kin min kin min barsunga

sharm se dohraa ho jaaegaa kaan parra wo bundaa bhi

baad e sabaa ke lehje mein ek baat mein aisi puchunga

safhaa safhaa ek kitab e husn see khultii jaaegai

aur usii ki laee mein phir mein tum ko azbar kar lungaa

waqt key ek kankar ney jis ko akson mein taqsim kiyaa

aab e ravan mein kaise 'amjad' ab wo chehraa jorroonga

Amjad Islam Amjad ki ek khoobsurat ghazal

aaino mein aks na hon tou hairat rehti hai

aaino me aks na hon tou hairat rehti hai

jaise khaali aankho mein bhii vehshat rehti hai

aaino mein aks na hon tou hairat rehti hai

jaise khaali ankho mein bhii vehshat rehti hai

har dam dunyaa key hangaame gherey rakhtey they

jab se tere dhyan lage hein fursat rehti hai

karnii hai tou khul ke karo inkaar e vafaa kii baat

baat adhuri reh jaey tou hasrat rehti hai

shahr e sukhan mein aisa kuch kar izzat ban jaey

sab kuch mitti ho jata hai izzat rehti hai

bantey bantey dheh jati hai dil ki har taameer

khwahish ke bahrup mein shayad qismat rehti hai

saaey laraztey rehtey hein shehron ki galyon mein

rehte they insaan jahan ab dehshat rehti hai

mausam koi khushbu le kar aatey jatey hein

kyaa kayaa ham ko raat gaey tak vehshat rehti hai

dhyaan mein melaa sa lagta hai biitee yadon kaa

aksar uss key gham se dil ki sohbat rehti hai

phulon kii takhti par jaisey rangon kii tahrir

lauh e sukhan par aise 'amjad' shohrat rehti hai

 Amjad Islam Amjad ki ek Khoobsurat Ghazal

thak gaya hai dil e vahshi mera faryad se bhi

thak gaya hai dil e vehshi mera faryad se bhi

thak gaya hai dil vehshi mera faryad se bhi

ji bahaltaa nahi aey dost teri yaad se bhi

aii hava kyaa hai jo ab nazm e chaman aur huaa

said se bhi hein marasim tere sayyad se bhi

kyun sarakti hui lagti hai zamin yaan har dam

kabhi puchen to sabab shahr ki bunyad se bhi

barq thi yaa ki sharaar e dil e aashufta thaa

koi puche to mere aashiyaan barbad se bhi

barhti jaati hai kashish vaada gah e hasti ki

aur koi khinch raha hai adam abaad se bhi

(Perveen Shakir)

wo majburi nahi thi ye adakaari nahi hai

 

wo majburi nahi thi ye adakari nahi hai

wo majburi nahi thi ye adakaar nahi hai

magar dono taraf pehli si sarshaari nahi hai

bahaney se usey bas dekh anaa pal do pal ko

ye fard-jurm hai aur aankh inkari nahi hai

mein teri sard mohri se zara bad dil nahi hun

mere dushman tera ye vaar bhi kari nahi hai

mein uss ke qaul par imaan laa kr khauf men hun

kahin lehje men to zalim ke ayyaari nahi hai

(Perveen Shaki)

dost ban kar bhi nahi sath nibhane wala

dost ban kar bhi nahi sath nibhane wala

dost ban kar bhi nahi sath nibhane wala

wohi andaz hai zaalim ka zamane vala

ab usey log samajthe hein giraftar mera

sakht nadim ha mujhe daam men laney wala

subh dam chorr gaya nik hat e gul ki surat

rat ko guncha e dil men simat aney wala

kya kahen kitne marasim they hamarey us se

vo jo ek shakhs hai mun pher ke jane valaa

tere hote huey aa jati thi sari dunya

aj tanha hun to koi nahi aney walaa

kyaa khabar thi jo meri jaan men ghula hai itna

hai wohi mujh ko sar e daar bhi laney vala

mein ne dekhaa hai baharo men chaman ko jalte

hai koi khwab ki tabeer batane valaa

tum takalluf ko bhi ikhlaas samajhte ho Faraz

dost hota nahi har haath milaney walaa

dil munafiq tha shab e hijr men soya kaisa

 Ahmad Faraz lovely poetry

dil munafiq tha shab e hijr men soya kaisa

dil munafiq tha shab e hijr men soya kaisa

aur jab tujh se mila tuut ke roya kaisa

zindagi men bhi gazal hi kaa qarina rakhaa

khwab dar khwab tere gham ko piroya kaisa

ab to chehron pe bhi katbon ka guma hota hai

aankhen pathraai hui haen lab e goya kaisa

dekh ab qurb ka mausam bhi na sarsabz lage

hijr hi hijr marasim men sumoya kaisa

ek aansu tha ki dariya e nadamat tha Faraz

dil se bebaak shanawar ko duboya kaisa

(Ahmed Faraz)

Chal nikalti hai gham e yaar se batein kya kya

chal nikalti haen gham e yar se baten kya kya

chal nikalti hain ghame yar se batein kya kya

ham ne bhi ki dar o divaar se baten kya kya

bat ban aai ha phir se k mere barey men

us ne puchi mere gham khwaar se baten kya kya

log lab-basta agar hon tou nikal aati hain

chup ke pairaya e izhar se baten kya kya

kisi saudaai ka qissa kisi harjai ki baat

log le aate hein bazaar se baten kya kya

ham ne bhi dast-shanasai ke bahane ki hein

hath men hath liye pyaar se baten kya kya

kis ko bikna tha magar khush hein ki is hiile se

ho gaeen apne kharidar se baten kya kya

(Ahmed Faraz)

ajab junuun e masaafat men ghar se nikla tha

 ajab junun e masafat men ghar se nikla tha

ajab junun e masafat men ghar se nikla tha

khabar nahi ha k suraj kidhr se nikla tha

ye kaun phir se unhi rasto men chorr gaya

abhi abhi to azab e safar se nikla tha

ye teer dil men magar be-sabab nahin utra

koi to harf lab e charagar se nikla tha

ye ab jo aag bana shahr shahr phila hai

yehi dhuan mere divaar o dar se nikla tha

main raat toot ke roya to chain se soya

ke dil ka zahr meri chashm e tar se nikla tha

ye ab jo sar hain khamida kulah ki khatir

ye aib bhi to ham ahl e hunar se nikla tha

vo qais ab jise majnu pukarte hein Faraz

teri tarha koi divaana ghar se nikla tha

(Ahmed Faraz)

kuch tou hawa bhi sard thi, kuch tha tera khayal bhi

Perveen Shakir

kuch tou hawa bhi sard thi, kuch tha tera khayal bhi

kuch tou hawa bhi sard thi, kuch tha tera khayal bhi

dil ko khushi ke saath sath hota raha malal bhi

baat wo adhi raat ki, raat wo poorey chand ki

chand bhi aa'in chayt ka uss pr tera jamal bhi

sab sey nazar bacha key wo mujh ko kuch aisey dekhta

ek dafa tou ruk gai gardish mah o saal bhi

dil tou chamak sakey ga kya phir bhi tarash key dekh len

sheesha garan e shehr ke haath ka ye kamal bhi

uss ko na pa sakey thy jab dil ka ajeeb haal tha

ab jo palat ke dekhye baat thi kuch muhaal bhi

meri talab tha ek shakhs wo jo nahin mila tou phir

hath dua sey yun gira bhool gaya sawal bhi

uss ki sukhun tara zyaan mery lye bhi dhaal theen

uss ki hansi me chup gaya apne ghamon ka haal bhi

gaao qareeb e shah e rag' gah e baeed wehem o khwab

uss ki rafaqaton me raat' hijr bhi tha wisaal bhi

uss key hi bazu'oon me aur uss ko hi sochtey rahey

jism ki khwahishon pe thy rooh key aur jaal bhi

shaam ki na samajh hawa puch rahi hai ek pata

moj e hawaey kuey e yaar' kar kuch tou mera khyal bhi

apni ruswai tere naam ka charcha dekhun

Perveen Shakir

apni ruswai tere naam ka charcha dekhun

apni ruswai tere naam ka charcha dekhun

ek zara sher kahun aur me kya kya dekhun

neend aa jaey tou kya mehfilen barpa dekhun

ankh khul jaey tou tanhai ka sehra dekhun

sham bhi ho gai dhundla gaeen ankhen meri

bhooleny waley me kab tak tera rasta dekhun

sab ziden es ki me poori karun har baat sunuu

ek bachey ki tarha sey esey hansta dekhun

mujh pe chha jaey jo barsaat ki khushbu ki tarha

ang ang apna isi rutt me mehkta dekhun

tuu meri tarha sey yakta hai magr mery habib

ji me ataa hai koi aur bhi tujh sa dekhun

me ney jis lamhey ko pooja hai esey bas ek baar

khwab ban kr teri ankho me utarta dekhun

tuu mera kuch nahi lagta hai magr jan e hayat

janey kyun tere lye dil ko dharakta dekhun

mar bhi jaon tou kahan log bhula hi den gey

Perveen Shakir beautiful ghazal

mar bhi jaon tou kahan log bhula hi den ge

mar bhi jaon tou kahan log bhula hi den ge

lafz mery, mery honey ki gawahi den gey

log tharra gaey jis waqt manadi aai

aaj peghaam naya zill e ilahi den gey

jhonkey kuch aisey thapaktey hen gulon key rukhsar

jaisey es baar tou pat jharr sey bacha hi den gey

ham wo shab zad ke sooraj ki inayat me bhi

apney baccho ko faqat kor nigahi den gey

aasteen sanpon ki pehney gey galey me mala

ehl e koofa ko nai shehr pana hi den gey

shehr ki chabyan aa'daa ke hawaley kr ke

tohfatan phir inhen  maqtool subahi den gey

mujh se mukhlis tha na waqif mery jazbaat sey tha

mujh sey mukhlis tha na waqif mery jazbaat se tha

mujh se mukhlis tha na waqif mery jazbaat sey tha

es ka rishta tou faqat apney mafadaat se tha

ab jo bichra hai tou kya roeyn judai pe teri

ye andesha tou hamen pehli mulaqat se tha

dil ke bujhney ka hawaon sey gila kya karna

ye diya niza'a key aalam me tou kal raat sey tha

markaz e shehr me rehney pe mo'assar thi khalqat

aur me wabasta tery dil ke muzafat se tha

me kharabon ka makeen aur ta'aluq mera

tery natey kabhi khwabon ke mahallat sey tha

lab kushai pe khula uss key sukhan ka aflas

kitna arasta wo atlas wa banat sey tha

Yaa Rab! mery sukoot ko naghma sarai dey

 

Yaa Rab! mery sukoot ko naghma sarai dey

Yaa Rab! mery sukoot ko naghma sarai dey

zakhme hunar ko hosla lab kushai dey

lehjey ko juey aab ki wo nasey nawai dey

dunya ko hurf hurf ka behna sunai dey

rag rag me uss ka lams utarta dikhai dey

jo kaifiyat bhi jism ko dey, intehai dey

shehre sukhan sey rooh ko wo aashnai dey

ankhen bhi band rakhoon tou rasta sujjhai dey

takhyyul mahtaab ho, izhaare aaeena

ankho ko lafz lafz ka chehra dikhai dey

dil ko lahu karun tou koi naqsh ban sakey

tuu mujh ko karb e zaat ki sachi kamai dey

dukh key safar me manzil e nayaft kuch na ho

zakhm e jigar sey zakhm e hunar tak rasai dey

me ishq kainaat me zanjeer ho sakun

mujh ko hisaar e zaat key shehr sey rehai dey

pehron ki tashnagi pe bhi saabit qadam rahun

dasht e bala me, rooh mujhe karbalai dey

kya jane wo dil se utar kyun nahi jata

kya janey wo dil se utar kyun nahi jata

kya janey wo dil se utar kyun nahi jata

gar shaam ka bhoola hai tou ghar kyun nahi jata

hum ko nahi maloom ke ujrey huey dil se

awara mizaji ka asar kyun nahi jata

sadyon se tujhe taktey huey soch raha hun

Gi terey khadd o khaal se bhar kyun nahi jata

aankho se udasi ki ghata kyun nahi jhat'ti

seeney se mohabbat ka bhanwar kyun nahi jata

thehra hai jo ek qafla gham miere dil me

es choti see basti se guzar kyun nahi jata

sanson se mere larzishe e gham kyun nahi jatee

pairon se mere zakhm e safar kyun nahi jata

kabhi yaad aao tou es tarha

kabhi yaad aao tou es tarha

kabhi yaad aao tou es tarha

ke lahu ki saari imaraten

tumhen dhoop dhoop samet len

tmhen rang rang nikhar den

tumhe harf harf me soch len

tumhe dekhne ka jo shoq ho

tou dyar e hijr ki taergi ko

mizza  (مژہ)  nok se noch len

kabhi yad ao tou es tarha

ke dil o nazar me utar sako

kabhi hadd se jis junoon barhey

tou hawas ban ke bikhar sake

kabhi khil sako shabe wasl me

kabhi khoon e jigar me sanwar sako

sare rahguzar jo milo kabhi

na theher sako na guzar sako

mera dard phir se ghazal baney

kabhi gungunao tou es tarha

mere zakhm phir se gulab hon

kabhi muskurao tou es tarha

meri dharkane bhi laraz utthey

kabhi chot khao tou es tarha

jo nahi tou phir bare shoq sey

sabhi rabtey sabhi zabtey

kisi dhoop chaon me torr do

nai shikaste dil ka sitam saho

no suno kisi ka azabe jaan

nai kisi se apni khalish kaho

yunhi khush phiro, yunhi khush raho

na ujar saken, na sanwar saken

kabhi dil dukhao tou es tarha

na simat saken na bikhar saken

kabhi bhool jao tou es tarha

kisi toor e jaan se guzar saken

kabhi yaad aao tou es tarha !!!!

kabhi yaad aao tou es tarha !!!

 

khayal o khwab huwa barg o bar ka mosam

khayal o khwab huwa barg o baar ka mosam

 khayal o khwab huwa barg o bar ka mosam

bicharr gaya teri soorat, bahar ka mosam

 

kai tuton se mere neem wa dareechon me

theher gaya hai terey intzaar ka mosam

wo narm lehjey me kuch tou kahey ke loat aey

sama'aton ki zamin per phuwar ka mosam

payam aya hai phir ek sar-o-qamat ka

mere wujood ko kheenchey hai daar ka mosam

wo aag hai ke meri por por jalti hai

mere badan ko mila hai chanar ka mosam

rafaqaton ke naey khwab khushtuma hen magar

guzar chuka hai tery aetbaar ka mosam

hawa chali tou nai barishein bhi sath aeeyen

zameen ke chehrey pe ayaa nikhar ka mosam

wo mera naam lye jaey aur me uss ka nam

lahoo me goonj raha hai pukar ka mosam

qadam rakhey meri khushbu ke ghar ko loat aey

koi bataey mujhe kuey yaar ka mosam

wo roz aa ke mujhe apna pyaar pehnaey

mera ghuroor hai beley ke haar ka mosam

tery tareeq -e- mohabbt pe baar ha socha

ye jabr tha ke tery ikhtyaar ka mosam

zara paney ki chahat me

zarra paney ki chagat me

zarra paney ki chahat main

boht kuch choot jata hai

na janey sabr ka dhaga

kahan par toot jata hai

kise hamrah kehte ho

yahan to apna saya bhi

kahin par saath rehta hai

kahin par chhoot jata hai

ajab shay hai ye rishta bhi

bahut mazboot lagta hai

zara c bhool se lekin

bharosa toot jata hai...

sardiyon ki ek sard shaam mein

sardiyon ki ek sard shaam mein

usne mere hath thaam ke kaha

"itne garm hath wafa ki nishani hote hain"

mujhe ab khayal aaya ke us waqt

uske hath itne thande kyun they

hum ke thehrey ajnabi itni madaraton ke bad

hum ke thehry ajnabi itni madaraton ke bad

hum ke thehrey ajnabi itni madaraton ke bad

phir baney gey aashna kitni mulaqaton key bad

kab nazar mein aey gi bey dagh sabzey ki bahar

khoon key dhabbey dhulein gey kitni barsaton ke bad

they boht hi bey dard lamhey khatm dard-e-ishq key

theen boht bey meher subhein mehrban raton key bad

dil tou chaha per shikast-e-dil ney mohlat hi na di

kuch giley shikwey bhi kar letey manajaton key bad

in sey jo kehney gaey they Faiz jaan sadqa key lye

an kahi hi reh gai wo baat sab baton key baad !!!

udaas sham dareechon mein muskurati hai

udaas shaam dareecho mein muskurati hai

udaas shaam dareecho mein muskurati hai

hawa bhi, dheemey suron me, koi udas geet

mery qareeb sey guzrey tou gungunati hai

meri tarha sey shafaq bhi kisi ki soch mein hai

men apney kamrey mein khirki key paas bethi hun

meri nigah dhundlakon mein uljhi jati hai

na rang hai, na kiran hai, na roshni, na charagh

na tera zikr, na tera pata, na tira suragh

hawa sey, khushk kitabon key urr rahe hein warq

magar mein bhool chuki hun tamam in key sabaq

ubhar raha hai takhayyal mein bas tera chehra

mein apni palkein jhpkti hun uss ko dekhti hun

mein es ko dekhtihun aur dar key sochti hun

ke kal ye chehra kisi aur hath mein pohnchey

tou mery hathon ki likhi hui koi tehreer

jo in khutoot mein roshan hai aag ki manind

na in zaheen nigahon ki zad me aa jaey

charagari se bhi ab bhala nahi hota

charagari se bhi ab bhala nahi hota

charagari se bhi ab bhala nahi hota

dard hota hai, kam ya zyada nahi hota

ab purani huin sab kahawaten wa hikayeten

bhale ka bhala, burey ka bura nahi hota

dana wa khurd mand sirf yun hai bashar

jab tak wo paon per khara nahi hota

jis muheeb naley se katib jata hai jahan

kyun wo ameer sheher ney suna nahi hota

shafiq aur mah o anjum jis sey roshni paein

aftab hota hai, ek diya nahi hota

kis ney kar dya barbad mere ashyaney ko

tufan tou es qadar sar phira nahi hota