gaey dino ka suragh le kr kidhar se aya kidher gaya wo

ajeeb manoos ajnabi tha mujhe to hairan kar gaya wo

gae dino ka suragh le kar kidhr se aya kidhr gaya wo

ajeeb manoos ajnabi tha mujhe to hairan kar gaya wo

bas ek moti si chhab dikha kar bas ek mithi see dhun suna kar

sitara e sham ban ke aya ba rang e khwab e sahar gaya wo

khushi ki rut ho ke gham ka mausam nazar usey dhundti hai har dam

wo buu e gul thaa ki naghma e jan mere to dil men utar gaya wo

na ab wo yadon ka charhta darya na fursaton ki udas barkha

yunhi zara see kasak hai dil men jo zakham gahra tha bhar gaya wo

kuch ab sambhalney lagi hai jaan bhi badal chala daur e asman bhi

jo raat bhaari thi tal gai ha jo din kara tha guzar gaya wo

bas ek manzil hai bul hawas ki hazaar raste ein ahl e dil ke

yahin tou hai farq mujh mein us men guzar gaya main thahar gaya wo

shikasta paa raah mein khara hun gae dino ko bula raha hun

jo qaafila mera hum safar tha misal e gar e safar gaya wo

mera tuu khun ho gaya hai pani sitamgaron ki palak na bhigi

jo nala utha tha raat dil se na jane kyun be asar gaya wo

wo maikadey ko jaganey wala wo rat ki neend uraney wala

ye aaj kya uss ke jee mein aai ke sham hote hi ghar gaya wo

wo hijr ki raat ka sitara wo ham nafas ham sukhan hamara

sada rahe uss ka naam pyara suna hai kal rat mar gaya wo

wo jis ke shane pe hath rakh kar safar kiya tuu ne manzilon ka

teri gali se na janey kyun aaj sar jhukaey guzar gaya wo

wo rat ka be nawa musafir wo tera shair wo tera Naasir

teri gali tak to ham ne dekha tha phir na janey kidhar gaya wo

di dharakne ka sabab yaad aya

wo teri yad thi ab yaad aya

dil dharakene ka sabab yaad ayawo teri yad thi ab yaad ayaaaj mushkil tha sambhalan aye dosttuu musibat mein ajab yaad ayadin guzaara tha bari mushkil seyphir tera wada e shab yaad ayatera bhula hua paiman e wafa mar rahenge agar ab yaad ayaphir kai log nazar se guzrephir koi shahr e tarab yad ayahaal e dil ham bhi sunate lekinjab wo rukhsat hua tab yaad ayabaith kar saya e gul mein naasirham bohat roe wo jab yaad aya

(Nasir Kazmi)

dayar e dil ki rat mein charagh sa jala gaya

mila nahin tou kya hua wo shakal tou dikha gaya

dayar e dil ki rat mein charagh sa jala gaya

mila nahin tou kya hua wo shakal tou dikha gaya

wo dosti tou khair ab naseeb dushmana huii

wo choti choti ranjishon ka lutf bhi chalaa gaya

judayon key zakham dard zindagi ney bhar dye

tujhey bhi neend aa gai mujhe bhi sabar aa gaya

pukarti hein fursatein kahan gaiiin wo sohbatein

zamin nigal gai inhien ke aasman kha gayaa

ye subha ki sfaidyan ye dopeher ki zardyan

ab aiiney mein dekhta hun mein kahan chala gaya

ye kis khushi ki rait par ghamo ki neend aa gai

wo lehr kis taraf gai ye min kahan sama gaya

gae dino ki lash par parey raho gey kab talak

alam kasho uthho key aftaab sar pe aa gaya

(Nasir Kazmi)

daur e falak jab dohrata hai mosam e gul ki raton ko

kunj e qafas mein sun lete hen bhuli bisri baton ko

daur e falak jab dohrata hai mosam e gul ki raton ko

kunj e qafas mein sun lete hein bhuli bisri baton ko

reg e ravan ki narm tahon ko cherti hai jab koi hawa

sooney sehra cheekh utthey hein adhi adhi raton ko

atishe e gham ke sail e rawan mein ninden jal kar raakh huiin

pathar ban kar dekh raha hun aati jati raton ko

mai khane ka afsurda mahol to yun hi rahna hai

khushk labon ki khair manao kuch na kaho barsaton ko

Nasir mere munh ki baten yun to sachche moti hein

lekin un ki baten sun kar bhul gaey sab baton ko

(Nasir Kazmi)

aaraish khayal bhi ho dil kusha bhi ho

wo dard ab kahan jisey jee chahta bhi ho

aaraish khayal bhi ho dil kusha bhi ho

wo dard ab kahan jise jee chahta bhi ho

ye kya ke roz ek sa gham ek see ummeed

es ranj by khumar ki ab inteha bhi ho

ye kya ke ek toor se guzrey tamam umr

jee chahta hai ab koi tere siwa bhi ho

tootey kabhi tou khwab shab o roz ka tilism

itney hujoom mein koi chehra naya bhi ho

deewangi e shoq ko ye dhun hai en dino

ghar bhi ho aur be dar o deewar sa bhi ho

juzw dil koi makan nahi deher mein jahan

rahzan ka khof bhi na rahe dar khula bhi ho

har zarra ek mohmal ibrat hai dasht ka

lekin kisey dikhaon koi dekhta bhi ho

har shae pularti hai pas parda e sukoot

lekin kisey sunaon koi ham nawa bhi ho

fursat mein sun shaguftagi e ghuncha ki sada

ye wo sukhan nahi jo kisi ney kahan bhi ho

betha hai ek shakhs merey pas der sey

koi bhala sa ho tou hame dekhta bhi ho

bazm e sukhan bhi ho sukhan garm key ley

taaoos bolta ho tou jangle hara bhi ho

(Nasir Kazmi)

aaj tuu be sabab udas hai G

ishq hota tou koi baat bhi thi

aaj tuu be sabab udas hai G

ishq hota tou koi baat bhi thi

jalta phirta hun mein dopehron mein

janey kya cheez kho gai meri

wahin phirta hun mien bhi khak basar

es bharey shehr mein hai ek gali

chupta phirta hai ishq dunya sey

phailti ja rahi hai ruswai

ham nashin kya kahun ke wo kya hai

chorr ye baat neend urney lagi

aaj tou wo bhi kuch khamosh sa tha

mein ney bhi uss sey koi baat na ki

ek dam es ka hath chorr dya

janey kya baat darmyan aai

tou jo itna udaas ha Nasir

tujhe kya ho gaya bata tou sahi

apni dhun mein rehta hun

mein bhi tere jaisa hun

apni dhun mein rehta hun

mein bhi tere jaisa hun

O pichli rut key sathi

ab key baras mein tanha hun

terei gali mein sara din

dukh key kankar chunta hun

mujh sey aankh milaey kon

mein tera aaeena hun

mera diya jalaey kon

mein tera khali kamra hun

terey siwa mujhe pehne kon

mein tere tan ka kapra hun

tuu jeevan ki bhari gali

mein jangle ka rasta hun

aati rut mujhe roey gi

jati rut ka jhonka hun

apni lehr hai apna rog

darya hun aur pyasa hun

(Nasir Kazmi)

ishq mein jeet hui yaa maat

aaj ki raat na chairhh ye baat

ishq me jeet hui ya maat

aaj ki raat na chairhh ye baat

yun aaya wo jan e bahar

jaise jag mein pheley baat

rang khuley sehraa ki dhoop

zulf ghaney jangle ki raat

kuch na kaha aur kuch na suna

dil mein reh gai dil ki baat

yaar ki nagri koson door

kaise katey gi bhari raat

basti walo se chup kar

ro lete hein pichli raat

sannaton mein suntey hein

suni sunaai koi baat

phir jarey ki rut aai

chota din aur lambi raat

(Nasir Kazmi)