hum ke thehrey ajnabi itni madaraton ke bad

hum ke thehry ajnabi itni madaraton ke bad

hum ke thehrey ajnabi itni madaraton ke bad

phir baney gey aashna kitni mulaqaton key bad

kab nazar mein aey gi bey dagh sabzey ki bahar

khoon key dhabbey dhulein gey kitni barsaton ke bad

they boht hi bey dard lamhey khatm dard-e-ishq key

theen boht bey meher subhein mehrban raton key bad

dil tou chaha per shikast-e-dil ney mohlat hi na di

kuch giley shikwey bhi kar letey manajaton key bad

in sey jo kehney gaey they Faiz jaan sadqa key lye

an kahi hi reh gai wo baat sab baton key baad !!!

mujh se pehli si mohabbt mere mehboob na mang

mujh se pehli si mohabbat mere mehboob na mang

me ne samjha tha ke tu hai tou darakhshan hai hayat

tera gham hai tou gham-e-deher ka jhagra kya hai

teri soorat se hai aalam me baharon ko sabat

teri ankho ke siwa dunya me rakha kya hai?

tu jo mil jaey tou taqdeer nigun ho jaey

yun na tha, me ne faqat chaha tha yun ho jaey

aur bhi dukh hein zamaney me mohabbat ke siwa

rahatein aur bhi hein wasal ki rahat ke siwa

an ginat sadyon ke tareek baheemana tilism

resham o atlas o kamkhab me bunwaey huey

jabaja biktey huey koocha o bazar me jism

khak me lithrey hue khoon me nehlaey huey

laut jati hai idher ko bhi nazar kya kijye

ab bhi dilkash hai tera husn magar kya kijye

aur bhi dukh hein zamaney me mohabbat ke siwa

rahatein aur bhi hein wasl ki rahat ke siwa

mujh se pehli si mohabbt mere mehboob na mang

jab teri samandar ankhon mein

ye dhoop kinara shaam dhaley

ye dhoop kinara shaam dhaley

miltey hein dono waqt jahan

jo raat na din, jo aj na kal

pal bhar ko amar, pal bhar ko dhuan

es dhoop kinarey pal do pal

honton ki lapak

bahon ki jhalak

ye mail hamara jhoot na sach

kyun zaar karo kyun dosh dharo

kis karan jhooti baat karo

jab teri samndar ankho mein

es shaam ka suraj doobey ga

sukh soeyn ge ghar dar waley

aur rahi apni raah le ga

(Faiz Ahmed Faiz)