wo dil hi kya terey milney ki jo duaa na kare

me tujh ko bhool ke zinda rahoon khudaa na karey

Wo dil hi kya terey milney ki jo duaa na kare
Me tujh ko bhool ke zinda rahoon khudaa na kare
rahe ga saath tera pyaar zindagi ban kar
ye aur baat meri zindagi wafa na kare
ye theek ha nahi marta koi judai me
khuda kisi ko kisi se magar juda na kare
Suna ha usko mohabbat duaaein deti hai
Jo dil pe chot tou khaey magar gila na kare
Agar wafa pe bharosa rahe na dunya ko
Tou koi shakhs mohabbat ka hosla na kare
Bujha diya ha naseebon ne merey pyaar ka chand
Koi diya meri palkon pe abb jala na karey
zamana dekh chuka hai parakh chuka ha esey
Qateel jaan se jaey per iltijaa na karey

(Qateel Shifai)

hai justuju ke khoob sey hai khoob tar kahan

ab theherti hai dekhye ja kar nazar kahan

hai justuju ke khoob se hai khoob tar kahan

ab theherti hai dekhye ja kar nazar kahan

hein dor jaam awal shab mein khudi sey door

hoti hai aaj dekhye ham ko sahar kahan

ya rab es ikhtalat ka anjam ho bakhair

tha es ko hum sey rabt magar es qadar kahan

ek umr chahye ke gawara ho naish ishq

rakhi hai aaj lazzat zakham jigar kahan

bas ho chuka bayan kasl o ranj raah ka

khat ka mere jawab hai aye nama bar kahan

kon o makan sey hai dil e wehshi kinara geer

as khanama kharab ney dhoonda hai ghar kahan

(Altaf Hussain Hali)