nadaan they jo rakhtey they umeedein kisi par

nadaan they jo rakhtey they umeedein kisi par

Zaat Allah key elawa koi kisi ka nahi hota

mein kachi neend mein hun

 

mein kachi neend mein hun

aur apney neem khwabeeda tanaffas mein utarti

chandni ki chaap sunti hun

guman hai

aaj bhi shayad

merey mathey pe terey lab

sitarey sabaat kartey hein

mein terey milney ko mo'jaza keh raha tha lekin

mein terey milney ko mo'jaza keh raha tha lekin

terey bicharney ka sanihaa bhi kamaal guzraa

raat ke pursukoon lamho men

raat ke pur sukoon lamhon me

jab kabhi teri yaad ati hai

raat key pur sukoon lamho mein

jab kabhi teri yaad atii hai

es gharri mein khuday-e-bartar sey

teri khushyon ki bheek mangta hun

mein dua go hun terey sarey gham

meri qismat mein sarey aa jaein

merey hissey ki mumkina khushyan

terey hissey mein sari aa jaein

aam hukm e sharab karta hun

mohtasib ko kabab karta hun

aam hukm e sharab karta hun

mohtasib ko kabab karta hun

tuk to rah aii bina e hasti tu

tujh ko kaisa kharab karta hun

bahas karta hun ho ke abjad khwan

kis qadar be hisab karta hun

koi bujhti hai ye bharak men abas

tishnagi par itab karta hun

sar talak ab e tagh men hun gharaq

ab tain aab aab karta hun

jee men phirta hai "Mir" wo mere

jaagta hun ki khwab karta hun

(Mir Taqi Mir)