kya karey meri masihaai bhi kareny wala

zakham hi ye mujhe lagta nahin bharney walaa

kya kare meri masihai bhi karney wala

zakhm hi ye mujhe lagta nahin bharne wala

zindagi se kisi samjhaotey ke baawasf ab tak

yaad ata hai koi marney marney wala

uss ko bhi hum tere kuchey mein guzar aey hein

zindagi mein wo jo lamha tha sanwarney wala

uss ka andaz-e-sukhan sb se juda tha shayad

baat lagti hui lehja wo mukarney wala

shaam honey ko hai aur aankh men ek khwab nahin

koi es ghar men nahin roushni karney wala

dastaras mein heinanasir ke irade kis key

so bikhar ke hi raha koi bikharney wala

isi umeed pe har sham bujhaey hein charagh

ek taara hai sar e baam ubharney wala

justuju khoey huo'on ki

chand key hamrah ham har shab safar karte rahe

justuju khoey huo'on ki umr bhar karte rahe

chand key hamrah ham har shab safar karte rahe

raston ka ilm tha na ham ko simton ki khabar

shehr-e-na maloom ki chahat magar karte rahe

ham ney khud sey bhi chupaya aur sarey shehr ko

terey janey ki khabar deewar o dar karte rahe

wo na aaey ga hamey maloom tha uss sham bhi

intzaar uss ka magar kuch soch kar karte rahe

aaj ayaa hai hame bhi unn urano ka khayal

jin ko terey zo'am men be baal o par karte rahe

(Perveen Shakir)

thak gaya hai dil e vahshi mera faryad se bhi

thak gaya hai dil e vehshi mera faryad se bhi

thak gaya hai dil vehshi mera faryad se bhi

ji bahaltaa nahi aey dost teri yaad se bhi

aii hava kyaa hai jo ab nazm e chaman aur huaa

said se bhi hein marasim tere sayyad se bhi

kyun sarakti hui lagti hai zamin yaan har dam

kabhi puchen to sabab shahr ki bunyad se bhi

barq thi yaa ki sharaar e dil e aashufta thaa

koi puche to mere aashiyaan barbad se bhi

barhti jaati hai kashish vaada gah e hasti ki

aur koi khinch raha hai adam abaad se bhi

(Perveen Shakir)

wo majburi nahi thi ye adakaari nahi hai

 

wo majburi nahi thi ye adakari nahi hai

wo majburi nahi thi ye adakaar nahi hai

magar dono taraf pehli si sarshaari nahi hai

bahaney se usey bas dekh anaa pal do pal ko

ye fard-jurm hai aur aankh inkari nahi hai

mein teri sard mohri se zara bad dil nahi hun

mere dushman tera ye vaar bhi kari nahi hai

mein uss ke qaul par imaan laa kr khauf men hun

kahin lehje men to zalim ke ayyaari nahi hai

(Perveen Shaki)

kuch tou hawa bhi sard thi, kuch tha tera khayal bhi

Perveen Shakir

kuch tou hawa bhi sard thi, kuch tha tera khayal bhi

kuch tou hawa bhi sard thi, kuch tha tera khayal bhi

dil ko khushi ke saath sath hota raha malal bhi

baat wo adhi raat ki, raat wo poorey chand ki

chand bhi aa'in chayt ka uss pr tera jamal bhi

sab sey nazar bacha key wo mujh ko kuch aisey dekhta

ek dafa tou ruk gai gardish mah o saal bhi

dil tou chamak sakey ga kya phir bhi tarash key dekh len

sheesha garan e shehr ke haath ka ye kamal bhi

uss ko na pa sakey thy jab dil ka ajeeb haal tha

ab jo palat ke dekhye baat thi kuch muhaal bhi

meri talab tha ek shakhs wo jo nahin mila tou phir

hath dua sey yun gira bhool gaya sawal bhi

uss ki sukhun tara zyaan mery lye bhi dhaal theen

uss ki hansi me chup gaya apne ghamon ka haal bhi

gaao qareeb e shah e rag' gah e baeed wehem o khwab

uss ki rafaqaton me raat' hijr bhi tha wisaal bhi

uss key hi bazu'oon me aur uss ko hi sochtey rahey

jism ki khwahishon pe thy rooh key aur jaal bhi

shaam ki na samajh hawa puch rahi hai ek pata

moj e hawaey kuey e yaar' kar kuch tou mera khyal bhi

apni ruswai tere naam ka charcha dekhun

Perveen Shakir

apni ruswai tere naam ka charcha dekhun

apni ruswai tere naam ka charcha dekhun

ek zara sher kahun aur me kya kya dekhun

neend aa jaey tou kya mehfilen barpa dekhun

ankh khul jaey tou tanhai ka sehra dekhun

sham bhi ho gai dhundla gaeen ankhen meri

bhooleny waley me kab tak tera rasta dekhun

sab ziden es ki me poori karun har baat sunuu

ek bachey ki tarha sey esey hansta dekhun

mujh pe chha jaey jo barsaat ki khushbu ki tarha

ang ang apna isi rutt me mehkta dekhun

tuu meri tarha sey yakta hai magr mery habib

ji me ataa hai koi aur bhi tujh sa dekhun

me ney jis lamhey ko pooja hai esey bas ek baar

khwab ban kr teri ankho me utarta dekhun

tuu mera kuch nahi lagta hai magr jan e hayat

janey kyun tere lye dil ko dharakta dekhun

mar bhi jaon tou kahan log bhula hi den gey

Perveen Shakir beautiful ghazal

mar bhi jaon tou kahan log bhula hi den ge

mar bhi jaon tou kahan log bhula hi den ge

lafz mery, mery honey ki gawahi den gey

log tharra gaey jis waqt manadi aai

aaj peghaam naya zill e ilahi den gey

jhonkey kuch aisey thapaktey hen gulon key rukhsar

jaisey es baar tou pat jharr sey bacha hi den gey

ham wo shab zad ke sooraj ki inayat me bhi

apney baccho ko faqat kor nigahi den gey

aasteen sanpon ki pehney gey galey me mala

ehl e koofa ko nai shehr pana hi den gey

shehr ki chabyan aa'daa ke hawaley kr ke

tohfatan phir inhen  maqtool subahi den gey

waqt-e-rukhsat aa gaya, dil phir bhi ghabraya nahi

waqt-e-rukhsat aa gaya, dil phir bhi ghabraya nahi

es ko hum kya khoen gey jis ko kabhi paya nahi

zindagi jitni bhi ha ab mustaqil sehraa me hai

aur es sehraa me tera door tak saya nahi

meri qismat me faqat dard tahey saghar hi hai

awwal shab jaam meri simt wo laya nahi

teri ankhon ka bhi kuch halka gulabi rang tha

zehen ne mere bhi ab ke dil ko samjhaya nahi

kaan bhi khali hein mere aur dono haath bhi

ab ke fasl-e-gul ne mujh ko phool pehnaya nahi

(Perveen Shakir)

ankhon ne kaise khwab tarashey hein in dino

Ghazal

ankhon ne kaise khwab tarashey hein in dino

dil per ajeeb rang utertey hein in dino

rakh apne pas apney ma o meher aye falak

hum khud kisi ki ankh ke tarey hein in dino

dast-e-sahar ney mang nikali ha barhaa

aur shab ne aa ke baal sanwarey hein in dino

es ishq ney hamey hi nahi mu'tadil kiya

es ki bhi khush mizaji ke charchey hein in dino

ek khushgawar neend pe haq ban gaya mera

wo rut jagey es ankh ney katey hien in dino

wo qeht-e-husn hai ke sabhi khush jamal log

lagta ha koh-o-qaf pe rehte hien in dino

(Perveen Shakir)

pehle bhi ye dil hijr se be haal hua ha

pehle bhi ye dil hijr se be haal hua ha

pehle bhi bicharne ki saza pai ha uss ne

rukhsat ki aziyyat me jo shiddat hai, sahi ha

ayaa ha boht yad kisi chashm ka jaadoo

khud se bohat aai kisi malboos ki khushboo

khencha ha boht qalb ko guzre hue kal ne

din bhar kabhi doori ne zuboon haal rakha ha

rukhsat ki ghari theher gai rooh me jaise

es baar jo aya ha magr, hijr ka mosam

es me dil beemar ki wehshat hi alag ha

mitti se judai ki hikayat hi alag ha

kuch der ki takheer jo hoti hai watan se

lagta ha ke ab jan nikal jae gi tan sey!

(perveen shakir)

Ghazal

sula raha tha nai bedaar kar saka tha mujhe

wo jaise khawab me mehsoos kar raha tha mujhe

yehi that chand aur es ko gawah thehraa kr

zara sa yaad tou kar tu ne kya kaha tha mujhe

tamam raat meri khwab gaah roshan thi

kisi ne khwab me ek phool de dya tha mujhe

wo din bhi aye ke khushboo se meri aankh khuli

aur ek rang haqeeqat me chhoo raha tha mujhe

me apni khaak pe kaise na lout kar aatee

bohat qareeb se koi pukarta tha mujhe

daroon-e- khaima hi mera qayaam rehna tha

tu meer-e-fouj ne lashkar me kyun liya tha mujhe

(perveen shakir)

patjhar se gila ha na shikayat hawa se hai

Patjhar se gila ha, na shikayat hawa se hai

phoolon ko kuch ajeeb muhabbat hawa se hai

sarshari, shaguftagi gull ko hai kya khabar

mansoob ek aur hikayat hawa se hai

rakha hai andhyon ne hi, hum ko kasheeda sar

ham wo charagh hein jinhein nisbat hawa se hai

uss ghar me tairgi ke siwa kya rahe, jahan

dil shamma per hein, aur iradat hawa se hai

bas koi cheez ha, ke sulagti ha dil ke paas

ye aag wo nahi, jise sohbat hawa se hai

sar sar ko azzan ho jo saba ko nahi hai bar

ganj qafas men zeest ki soorat hawa se hai

gulcheen ko hi kharaam-e-saba se nahi hai khar

ab ke tuu baghban ko adawat hawa se hai

khushboo hi rang bharti hai tasweer bagh men

bazm-e-khabar men, gul ki siyadat hawa se hai

dast-e-shajar me rakhey, ke aa kr bakhair dey

aaeene-e-gull me khas reya'at hawa se hai

ab ke bahar dekheye, kya gull khilaey gi

dil dadgan-e-rang ko, wehshat hawa se hai

(Perveen Shakir)

پت جھڑ سے گلہ ہے، نہ شکایت ہوا سے ہے

پھولوں کو کچھ عجیب محبت ہوا سے ہے

سرشاریِ شگفتگیِ گل کو ہے کیا خبر

منسوب ایک اور حکایت ہوا سے ہے

رکھا ہے اندھیوں نے ہی، ہم کو کشیدہ سر

ہم وہ چراغ ہیں جنہیں نسبت ہوا سے ہے

اس گھر میں تیرگی کے سوا کیا رہے، جہاں

دل شمع پر ہیں، اور ارادت ہوا سے ہے

بس کوئی چیز ہے، کہ سلگتی ہے دل کے پاس

یہ آگ وہ نہیں، جسے صحبت ہوا سے ہے

صرصر کو اذن ہو جو صبا کو نہیں ہے بار

گنج قفس میں زیست کی صورت ہوا سے ہے

گلچیں کو ہی خرامِ صبا سے نہیں ہے خار

اب کے تو باغباں کو عداوت ہوا سے ہے

خوشبو ہی رنگ بھرتی ہے تصویر باغ میں

بزمِ خبر میں، گل کی سیادت ہوا سے ہے

دستِ شجر میں رکھے، کہ آکر بکھیر دے

آئینِ گل میں خاص رعایت ہوا سے ہے

اب کے بہار دیکھیے، کیا گل کھلائے گی

دل دادگانِ رنگ کو، وحشت ہوا سے ہے۔

﴾پروین شاکر﴿

khuli ankhon mein sapna jhankta hai

Khuli ankhon me sapna jhankta hai

wo soya hai ke kuch kuch jagta hai

teri chahat ke bheegey jangalo mein

mera tann, morr ban ke nachta hai

mujhe har kaifiyat mein kyun na samjhey

wo mere sab hawaley jantaa hai

mein uss ki dastaras me hun, magar wo

mujhe meri raza se mangta hai

kisi ke dhyaan me dooba hua dil

bahaney se mujhe bhi taltaa hai

sarak ko chorr kar chalna parey ga

ke merey ghar ka kaccha rastaa hai

(Perveen Shakir)

کھلی آنکھوں میں سپنا جھانکتا ہے

وہ سویا ہے کہ کچھ کچھ جاگتا ہے

تری چاہت کے بھیگے جنگلوں میں

مرا تن، مور بن کر ناچتا ہے

مجھے ہر کیفیت میں کیوں نہ سمجھے

وہ میرے سب حوالے جانتا ہے

میں اس کی دسترس میں ہوں، مگر وہ

مجھے میری رضا سے مانگتا ہے

کسی کے دھیان میں ڈوبا ہوا دل

بہانے سے مجھے بھی ٹالتا ہے

سڑک کو چھوڑ کر چلنا پڑے گا

کہ میرے گھر کا کچا راستہ ہے

﴾پروین شاکر﴿