kaam angrez ko dunya se mujhe deen se hai

uss key qanoon ki takkar mere aa'een se hai

kam angrez ko dunya se mujhe deen se hai
uss ke qanoon ki takkar mere aa'een se hai
khoon e islam se gulrang hua hoza e aqdas
khabar urti hui aai ye falasteen se hai
seena touheed ke betey ka mushbak hai agar
tou wo taslees ke farzand ki sangeen sey hai
jis se gulrang hua masjid e lahore ka sehan
nisbat uss khoon ko meri hi shara'een se hai
kab daba sakti hai uss nara ko toupon ki garaj
jo buland aaj maraqish se tou kal cheen se hai

(Molana Zafar Ali Khan)

hai justuju ke khoob sey hai khoob tar kahan

ab theherti hai dekhye ja kar nazar kahan

hai justuju ke khoob se hai khoob tar kahan

ab theherti hai dekhye ja kar nazar kahan

hein dor jaam awal shab mein khudi sey door

hoti hai aaj dekhye ham ko sahar kahan

ya rab es ikhtalat ka anjam ho bakhair

tha es ko hum sey rabt magar es qadar kahan

ek umr chahye ke gawara ho naish ishq

rakhi hai aaj lazzat zakham jigar kahan

bas ho chuka bayan kasl o ranj raah ka

khat ka mere jawab hai aye nama bar kahan

kon o makan sey hai dil e wehshi kinara geer

as khanama kharab ney dhoonda hai ghar kahan

(Altaf Hussain Hali)