laazim tha ke dekho mera rasta koi din aur

Mirza Ghalib Ki Ghazal

tanha gaey kyun, ab raho tanha koi din aur

Laazim tha ke dekho mera rasta koi din aur

tanha gaey kyun, ab raho tanha koi din aur

mitt jaey ga sar, gar tera pathar na ghisey ga

hun dar pe tery nasia farsa koi din aur

aey ho kal, aur aaj oi kehtey ho ke jaon

mana ke hamesha nhin, acha, koi din aur

jatey huey kehte ho qayamat ko milen ge

kya khoob! qayamat ka hai goya koi din aur

haan aey falak peer, jawan tha abhi Arif

kya tera bigarta jo na marta koi din aur

tum maah-e-shabe char dahum they mery ghar ke

phr kyun na rahe ghar ka wo naqsha koi din aur

tum kon sey they aise kharey dad o sitad ke

karta mulk ul mot taqaza koi din aur

mujh sey tumhein nafrat sahi, Nayyar sey larai

bachon ka bhi dekha na tamasha koi din aur

guzri na, bahar haal, ye muddat khush wa nakhush

karna tha jawan marg! guzaara koi din aur

nadaan ho jo kehte ho ke kyun jeetey hein Ghalib

qismat me hai marney ki tamanna koi din aur

(Mirza Ghalib)

ye na thi hamari qismat ke wisaal-e-yaar hota

Beautiful Poetry by Mirza Ghalib

Ghazal

ye na thi hamari qismat ke wisaal-e-yaar hota

ye na thi hamari qismat ke wisaal-e-yaar hota

agar aur jeetey rehte yehi intezaar hota

terey wadey per jiye hum, tou ye jaan, jhoot jana

ke khushi se mar na jatey agar aetebaar hota

teri nazuki se jana ke bandha tha ehd-e-booda

kabhi tu naa torr sakta,agar ustawaar hota

koi merey dil se puchey terey teer-e-neem kash ko

ye khalish kahan se hoti jo jigar ke paar hota

ye kahan ki dosti hai ke baney hen dost naseh

koi chara saaz hota, koi gham gusaar hota

rag-e-sang se tapakta wo lahu ke phir na thamta

jisey gham samajh rahe ho ye agar sharaar hota

gham agarchey jaan gusal ha, pa bacheen kahan ke dil se

gham-e-ishq agar na hota, gham-e- rozgaar hota

kahun kis se me ke kya hai shab-e-gham buri bala hai

mujhe kya bura tha marna, agar ek baar hota

huey mar ke ham jo ruswa, huey kyun na gharq-e-darya

na kabhi janaza uthtaa, na kahin mazaar hota

usey kon dekh sakta ke yagana hai wo yakta

jo doooi ki buu bhi hoti tou kahin do chaar hota

ye masaail-e-tasawwaf, ye tera bayan-e-Ghalib

tujhe ham Wali samajhtey jo na baada khwaar hota

zaahir ki ankh se na tamasha kare koi

Ghazal (Iqbal)

zaahir ki ankh se na tamasha kare koi

ho dekhna tou deeda dil wa kare koi

mansoor ko hua lab goya payam-e-mot

ab kya kisi ke ishq ka dawa kare koi

ho deed ka jo shoq tou ankho ka band kar

hai dekhna yehi ke na dekha kare koi

me intaha-e-ishq hun tu inteha-e-husn

dekhey mujhey ke tujh ko tamasha kare koi

uzar afreen-e- jurm-e-mohabbat sey husn-e-dost

mehshar me uzar taza na kare koi

chupti nahi hai nigah-e-shoq hum nasheen

phir aur kis tarha inhen dekha kare koi

urr bethey kya samajh ke bhala toor per kaleem

taqat ho deed ki tou taqaza kare koi

nazarey ko ba junbish muzgan bhi haar hai

ba nargis ki ankh se tjhey dekha kare koi

khul jaen kya maze hen tamanna-e-shoq me

do char din me jo meri tamanna kare koi

me hun tera khayal hai aur chand raat hai

me hun tera khayal hai aur chand raat hai

me hun tera khayal hai aur chand raat hai

dil dard se nidhal hai aur chand raat hai

ankho me chubh gaeen teri yadon ki kirchyan

kandho pe gham ki shal hai aur chand raat hai

dil torr ke khamosh nazaron ka kya mila?

shabnam ka ye sawal hai aur chand raat hai

campus ki neher per hai tera hath, hath me

mosam bhi lazawal hai aur chand raat hai

har ek kali ne orrh lya matami libaas

har phool pur malal hai aur chand raat hai

chalka sa parr raha hai Wasi wehshato ka rang

har cheez per zawaal hai aur chand raat hai

(Wasi Shah)