har baras hi giran guzarte hein

Amjad Islam Amjad ki ek khoobsurat nazam

har baras hi giran guzarte hein

har baras hi giran guzarte hein

khwahisho ke nigar khaney mein

kaisey kaisey guman guzarte hein

raftagan key bikharte salon ki

ek mehfil si dil me sajti hai

phone ki diary ke safho se

kitney number pukarte hein mujhe

jin se marboot ha nawa ghanti

ab faqat mery dil me bajti hai

kis qadar pyarey pyarey namo per

reengti badnuma lakeerein si

meri ankhon me phail jati hein

dooryan dairey banati hein

dhyan ki sirhiyon me kya kya aks

mash'alein dard ki jalate hein

aisey kaghaz pe phail jatey hein

hadsey ke maqam per jaisey

khoon key sookhey nishano per

chaak ki laainey lagatey hein

har december ke akhri din mein

har baras ki tarha ab bhi

diary ek sawal karti hai

kya khabar es baras ke aakhir tak

merey in be charagh safhon sey

kitney hi naam kat gaey hon gey

kitney number bikhar ke raston me

gard mazi se att gaey hon gey

khaak ki dheryon ke daman mein

kitney toofan simat gaey hon gey

har December me sochta hun mein

ek din es tarha bhi hona hai

rang ko roshni me khona hai

apney apney gharon me rakhi hui

diary dost dekhtey hon gey

in ki ankhon key khakdano mein

ek sehra sa phailta ho ga

aur kuch be nishan safhon sey

naam mera bhi

katt gaya ho ga !!

Amjad Islam Amjad

 

apne ghar ki khirki se main asmaan ko dekhunga

apne ghar ki khirki se mein asman ko dekhunga

jis par tera nam likha hai us tarey ko dhundunga

apne ghar ki khirki se mein asmaan ko dekhunga

jis par tera nam likha hai uss tarey ko dhundunga

tum bhi har shab diya jala kar palkon ki dehliz per rakhna

mein bhi roz ek khvaab tumharey shahar ki jaanib bhejunga

hijr ke darya mein tum parhna lehron ki tahriren bhi

paani ki har sater pe mein kuchh dil ki baten likhunga

jis tanhaa se pairrh ke nichey hum barish mein bhigey they

tum bhi uss ko chhuu ke guzarna mein bhi uss se liptunga

khwaab musafir lamhon key hein saath kahaan tak jaaenge

tum ney bilkul theek kaha hai mein bhi ab kuchh sochunga

baadal orrh key guzrunga mein tere ghar ke angan sey

qaus e quzah key sab rangon mein tujh ko bhigaa dekhunga

be-mausam barish ki surrat der talak aur door talak

tere dayaar e husn pe mein bhii kin min kin min barsunga

sharm se dohraa ho jaaegaa kaan parra wo bundaa bhi

baad e sabaa ke lehje mein ek baat mein aisi puchunga

safhaa safhaa ek kitab e husn see khultii jaaegai

aur usii ki laee mein phir mein tum ko azbar kar lungaa

waqt key ek kankar ney jis ko akson mein taqsim kiyaa

aab e ravan mein kaise 'amjad' ab wo chehraa jorroonga

Amjad Islam Amjad ki ek khoobsurat ghazal

aaino mein aks na hon tou hairat rehti hai

aaino me aks na hon tou hairat rehti hai

jaise khaali aankho mein bhii vehshat rehti hai

aaino mein aks na hon tou hairat rehti hai

jaise khaali ankho mein bhii vehshat rehti hai

har dam dunyaa key hangaame gherey rakhtey they

jab se tere dhyan lage hein fursat rehti hai

karnii hai tou khul ke karo inkaar e vafaa kii baat

baat adhuri reh jaey tou hasrat rehti hai

shahr e sukhan mein aisa kuch kar izzat ban jaey

sab kuch mitti ho jata hai izzat rehti hai

bantey bantey dheh jati hai dil ki har taameer

khwahish ke bahrup mein shayad qismat rehti hai

saaey laraztey rehtey hein shehron ki galyon mein

rehte they insaan jahan ab dehshat rehti hai

mausam koi khushbu le kar aatey jatey hein

kyaa kayaa ham ko raat gaey tak vehshat rehti hai

dhyaan mein melaa sa lagta hai biitee yadon kaa

aksar uss key gham se dil ki sohbat rehti hai

phulon kii takhti par jaisey rangon kii tahrir

lauh e sukhan par aise 'amjad' shohrat rehti hai

 Amjad Islam Amjad ki ek Khoobsurat Ghazal

kahin bey kinar sey rutjagey

kahin bey kinar sey rutjagey, kahin zarangar sey khwab dey

kahin bey kinar sey rutjagey, kahin zarangar sey khwab dey

tera kya usool hai zindagi mujhey kon es ka jwab dey

jo bicha sukoon tere wastey, jo saja saken tere rastey

meri dastaras me sitarey rakh, meri muthyon ko gulab dey

ye jo khwahishon ka parind hai isey mosmo sey gharz nahi

ye urey ga apni hi moj men, isey aab dey ke saraab dey

tujhe chhoo lya tou bharak uthey merey jism o jan mein charagh sey

isi aag me mujhe raakh kar, isi sho'lagi ko shabab dey

kabhi yun bhi ho ke tere rubru me nazar mila ke ye keh sakun

meri hasraton ko shumar kar, meri khwahishon ka hisab dey

(Amjad Islam Amjad)

sitaron sey bharey es aasman ki wusaton mein

sitaron sey bharey es aasman ki wus'aton mein

mujhe apna sitara dhoondna hai

falak per kehkashan dar kehkashan ek be karani hai

na es ka naam hai maloom na ko ye nishani hai

bas itna yaad hai mujh ko

azal ki subho jab sarey sitarey

alwidai guftugu karte huey raston pe nikley they

tou uss ki ankh me ek aur sitara jhilmilaya tha

usi taarey ki surat ka

meri bheegi hui ankho me bhi ek khwab rehta hai

me apney aansu'on me apney khwabon ko sajata hun

aur uss ki raah takta hun

suna hai gumshuda cheezen

jahan pe khoi jati hain, wahin se mil bhi jati hain

(Amjad Islam Amjad)

jo utar ke zeena shaam sey teri chashm e khush me sama gaey

jo uter ke zeena shaam sey

jo uter ke zeena sham sey teri chashm-e-khush me sama gaey

wohi jaltey bujhtey charagh sey mery bam-o-dar ko saja gaey

ye ajeeb khel hai pyaar ka, me ne aap dekha ye mojaza

wo jo lafz mere guman me thy, wo teri zuban per aa gaey

wo jo geet tum ne suna nahi, meri umr bhar ka ryaz tha

mere dard ki thi wo dastan, jisey tum hansi me ura gaey

wo charagh-e-jan kabhi jis ki lou, no kisi hawa se niguun hui

teri bewafai ke waswasey esy chupke chupke bujha gaey

wo tha chand sham-e-wisal ka, ke tha roop tery jamal ka

meri rooh se meri ankh tak kisi roshni me naha gaey

teri berukhi ke dayar me, me hawa ke sath hawa hua

terey aainey ki talash me mery khwab chehra ganwa gaey

terey waswason ke fishar me, tera shehre rang ujar gaya

meri khwahisho ke ghubar me mery mah o sal wafa gaey

wo ajeeb phool se lafz they, terey hont jin se mehak uthey

merey dasht e khwab me door tak koi bagh jaisey laga gaey

meri umr se na simat sakey, merey dil me itney sawal they

terey pas jitney jawab they, teri ek nigah me aa gaey

(Amjad Islam Amjad)