yehi nahi koi toofan meri talash mein hai

ke mosam gham e jana meri talash me hai

yehi nahi koi toofan meri talash mein hai

ke mosam gham janaa meri talash mein hai

wisaal rut hai magar dil ko aisa lagta hai

sitara e shab hijraan meri talash mein hai

mein faisley ki gharri sey guzar chuki hun magar

kisi ka deeda e hairaan meri talash mein hai

ye bey yaqeen si aasoodgi batati hai

ke ek qarya e veeran meri talash mein hai

mein teergi mein mohabbat ki ek kahani hun

mooi charagh sa unwaan meri talash mein hai

ye kaisa khwab tha dharka sa lag gaya dil ko

ke ek shakhs pareshan meri talash mein hai

(Noshi Gilani)

bohat tareek sehraa ho gaya hai

hawa ka shor gehra ho gaya hai

bohat tareek sehraa ho gaya hai

hawa ka shor gehra ho gaya hai

kisi key lams ka ye mo'ojaza hai

badan sara sunehra ho gaya hai

ye dil dekhun ke jis key chaar janib

teri yaadon ka pehraa ho gaya hai

wohi hai khal o khad mein roshni see

pe til ankho ka gehraa ho gaya hai

kabhi es shakhs ko dekha hai tum ney

mohabbat sey sunehra ho gaya hai

(Noshi Gilani)

kon bhanwar mein mallahon sey ab takrar kare ga

ab tou qismat sey hi koi darya par kare ga

kon bhanwar mien mallahon sey ab takraar kare ga

ab tou qismat sey hi koi darya par kare ga

sara shehr hi tareeki par yun khamosh raha tou

kon charagh jalaney key paida aasaar kare ga

jab es ka kirdaar tumhare sach ki zad meN aaya

likhney wala shehr ki kaali har deewar kare ga

jane kon see dhun mein tere shehr mein aa nikley hein

dil tujh sey milney ki khwahish ab so baar kare ga

dil mien tera qayam tha lekin ab ye kisey khabar thi

dukh bhi apney honey par itna israar kare gaa

(Noshi Gilani)

Noshi Gilani

gurez-e-shab sey sahar sey kalam rakhtey they

gurez-e-shab sey sahar sey kalam rakhtey they

kabhi wo din they ke zulfon me sham rakhtey they

tumharey hath lagey hein tou jo karo so karo

wagarna tum se tou ham so ghulam rakhtey hein

hamen bhi gher liya ghar ke zo'am ney tou khula

kuch aur log bhi es me qayam rakhtey hein

ye aur baat hamen dosti na raas aiee

hawa thi sath tou khushbuu maqam rakhte they

na janey kon se rut me bicharr gaey wo log

jo apney dil me bohat ehtaram rakhtey they

wo aa tou jata kabhi, ham tou es ke rasto per

diye jalaey huey subho sham rakhtey they

(Noshi Gilani)

gulab shakhon pe khil rahe hen

                          gulab shakon pe khil rahe hein

                          jo harf honto pe jam gaey they

                          inhein ab awaz mil gai hai

                          paron se mehroom fakhtaon ko azan parwaz mil gaya hai

                          jo phool khushboo ke bankpan se bicharr gaya tha

                          gulab ban kar mehak raha hai

                          mehak raha hai

                          ye bagh sara mehak raha hai

                          yagangat aur mohbbaton ke amal ka jo khwab

                          zard mosam ki andhyon ne bujha dya tha

                          wo rafta rafta naey dino ki hathelyon per

                          sahar ka paigham likh raha hai

                          (Noshi Gilani)

mohabbatein jab shumar krna tou sazishein bhi shumar karna

mohabbatein jab shumar krna tou sazishein bhi shumar karna

mohabbatein jab bhi shumar karna tou sazishein bhi shumar karna

jo merey hissey me aaii hein wo aziyyatein bhi shumar karna

jalaey rakhun gi subah tak me tumharey raston me apni aankhein

magar kahin zabt toot jaey tou barishein bhi shumar krna

jo harf loh-e-wafa pe likhey huey hen in ko bhi dekh lena

jo raegaan ho gaeen wo sari ibaratein bhi shumar krna

ye sardyon ka udas mosam ki dharkanein barf ho gai hein

jab in ki yakhbastagi parakhna, tamazatein bhi shumar krna

tum apni majburyon ke qissey zarur likhna wazahaton sey

jo meri ankhon me jal bujhi hein wo khwahishein bhi shumar krna

(Noshi Gilani)