chalo safak zulmat key badan ka ek tukra tou kata

aur waqt ki be intehai key samandar mein

chalo saffak zulmat key badan ka ek tukra tou kata

aur waqt ki be intehai ke samandar mein

koi taboot girney ki sada ayee

ye mana raat ankhon mei kati

ek ek pal but sa ban kar jam gaya

ek saans tou ek sadi key baad phir sey saans lene ka khayal ayaa

ye sab sach hai ko raat ek karb be payan thi

lekin karb hi tkhleeq hai

aey pou phatey key dil ruba lamho gawahi do

yun hi kat'ti chali jaein gi ratin

aur phir wo aftaab ubhrey ga

jo apni shuaoon sey abad ko roshni bakhshey ga

phir koi andheri dharti ko na chuu paey ga

dana yan mazhab key mutabiq hashar aa jaey ga

lekin hashar bhi ek karb hai

har karb ek takhleeq hai

aye pou phatey ke dil ruba lamho gawahi do

(Ahmad Nadeem Qasmi)

rait sey butt na bana aey mere achey fankar

ek lamhe ko theher mein tujhey pathar laa dun

rait sy butt na bana aye mere achey fankaar

ek lamhe ko theher mein tujhey pathar laa dun

mein terey samny anbaar laga dun lekin

kon sey rang ka pathar terey kaam aey ga

surkh pathar jisey dil kehti hai be-dil dunya

ya wo patharaai hui ankh ka neela pathar

jis mein sadyon key tahayyar ke parey hon doorey

kya tujhey rooh ke pathar ki zarurat ho gi

jis pe haq baat bhi pathar ki tarha girti hai

ek wo pathar hai jo kehlata hai tehzeeb sufaid

es key mar mar mein syah khoon jhalak jata hai

ek insaaf ka pathar bhi tou hota hai magar

haath mein taisha-e- zar ho tou wo haath aataa hai

jitney meyaar hein es dor key sab pathar hein

 jitni aqdaar hein es dor ki sab pathar hein

sabza o gul bhi hawa aur faza bhi pathar

mera ilhaam tera zehen rasa bhi pathar 

es zamaney mein tou har fan ka nishan pathar hai

haath pathar hein terey meri zuban pathar hai

rait sey butt na bana ay mere achey fankaar

(Ahmad Nadeem Qasmi)

shaam ko subha chama yaad ayee

kis ki khushbu-e-badan yaad ayee

shaam ko subha chama yaad ayee

kis ki khushbu-e-badan yaad ayee

jab khayalon mein koi morr aayaa

terey gaisoo ki skhikan yaad ayee

yaad aye tere paikar key khutoot

apni kotahi fann yaad ayee

chaand jab dor e ufaq par dooba

tere lehje ki thakan yaad ayee

din shu'aoon sey ulajhtey guzra

raat ayee tou kiran yaad ayee

(Ahmad Nadeem Qasmi)

dayar e dil ki rat mein charagh sa jala gaya

mila nahin tou kya hua wo shakal tou dikha gaya

dayar e dil ki rat mein charagh sa jala gaya

mila nahin tou kya hua wo shakal tou dikha gaya

wo dosti tou khair ab naseeb dushmana huii

wo choti choti ranjishon ka lutf bhi chalaa gaya

judayon key zakham dard zindagi ney bhar dye

tujhey bhi neend aa gai mujhe bhi sabar aa gaya

pukarti hein fursatein kahan gaiiin wo sohbatein

zamin nigal gai inhien ke aasman kha gayaa

ye subha ki sfaidyan ye dopeher ki zardyan

ab aiiney mein dekhta hun mein kahan chala gaya

ye kis khushi ki rait par ghamo ki neend aa gai

wo lehr kis taraf gai ye min kahan sama gaya

gae dino ki lash par parey raho gey kab talak

alam kasho uthho key aftaab sar pe aa gaya

(Nasir Kazmi)

daur e falak jab dohrata hai mosam e gul ki raton ko

kunj e qafas mein sun lete hen bhuli bisri baton ko

daur e falak jab dohrata hai mosam e gul ki raton ko

kunj e qafas mein sun lete hein bhuli bisri baton ko

reg e ravan ki narm tahon ko cherti hai jab koi hawa

sooney sehra cheekh utthey hein adhi adhi raton ko

atishe e gham ke sail e rawan mein ninden jal kar raakh huiin

pathar ban kar dekh raha hun aati jati raton ko

mai khane ka afsurda mahol to yun hi rahna hai

khushk labon ki khair manao kuch na kaho barsaton ko

Nasir mere munh ki baten yun to sachche moti hein

lekin un ki baten sun kar bhul gaey sab baton ko

(Nasir Kazmi)

asar kare na karey sun tou ley meri faryad

nahi hai daad ka taalib ye band e azad

asar kare na kare sun tou le meri faryad

nahi hai daad ka talib ye banda e azad

ye musht khak ye sar sar ye wusat aflak

karm hai ya ke sitam teri lazzat ijaad

thehr saka na hawa e chaman mein khaima e gul

yehi hai fasl bahari yehi hai bad murad

qusoorwar gharib udyar hun lekin

tera kharab farishtey na kar sakey abaad

meri jafa talabi ko dua'en deta hai

wo dasht sada wo tera jahan be bunyad

khatar pasand tabiat ko sazgar nahi

wo gulistan ke jahan ghaat mein na ho sayyad

maqam shoq terey qudsyon ke bas ka nahin

inhi ka kam hai ye jin key hosley hein zyad

(Allama Iqbal)

aflaak se ataa hai nalon ka jawab aakhir

karte hein khitab aakhir uthtey hein hijab akhir

aflaak se aata hai nalo'n ka jawab akhir

karte hien khitab akhir uthtey hein hijab akhir

ahwal mohabbat mein kuch farq nahin aisa

soz o tab o taab awwal soz o tab o tab akhir

mein tujh ko batata hun taqdir e umam kya hai

shamshir o sana awwal taoos o rabab akhir

mai khana e europe key dastoor niraley hein

latey hein suroor awwal ditey hein sharab akhir

kya dabdab e Nadir kya shoukat e Taimoori

ho jatey hein sab daftar gharq mee'ey naab akhir

khalwat ki gharri guzri jalwat ki gharri aeeee

chhatney ko hai bijli sey aaghosh sahaab aakhir

tha zabt boht mushkil es sail ma'aani ka

keh daley qalandar ney israar kitaab aakhir

(Allama Iqbal)

aaraish khayal bhi ho dil kusha bhi ho

wo dard ab kahan jisey jee chahta bhi ho

aaraish khayal bhi ho dil kusha bhi ho

wo dard ab kahan jise jee chahta bhi ho

ye kya ke roz ek sa gham ek see ummeed

es ranj by khumar ki ab inteha bhi ho

ye kya ke ek toor se guzrey tamam umr

jee chahta hai ab koi tere siwa bhi ho

tootey kabhi tou khwab shab o roz ka tilism

itney hujoom mein koi chehra naya bhi ho

deewangi e shoq ko ye dhun hai en dino

ghar bhi ho aur be dar o deewar sa bhi ho

juzw dil koi makan nahi deher mein jahan

rahzan ka khof bhi na rahe dar khula bhi ho

har zarra ek mohmal ibrat hai dasht ka

lekin kisey dikhaon koi dekhta bhi ho

har shae pularti hai pas parda e sukoot

lekin kisey sunaon koi ham nawa bhi ho

fursat mein sun shaguftagi e ghuncha ki sada

ye wo sukhan nahi jo kisi ney kahan bhi ho

betha hai ek shakhs merey pas der sey

koi bhala sa ho tou hame dekhta bhi ho

bazm e sukhan bhi ho sukhan garm key ley

taaoos bolta ho tou jangle hara bhi ho

(Nasir Kazmi)

aaj tuu be sabab udas hai G

ishq hota tou koi baat bhi thi

aaj tuu be sabab udas hai G

ishq hota tou koi baat bhi thi

jalta phirta hun mein dopehron mein

janey kya cheez kho gai meri

wahin phirta hun mien bhi khak basar

es bharey shehr mein hai ek gali

chupta phirta hai ishq dunya sey

phailti ja rahi hai ruswai

ham nashin kya kahun ke wo kya hai

chorr ye baat neend urney lagi

aaj tou wo bhi kuch khamosh sa tha

mein ney bhi uss sey koi baat na ki

ek dam es ka hath chorr dya

janey kya baat darmyan aai

tou jo itna udaas ha Nasir

tujhe kya ho gaya bata tou sahi

apni dhun mein rehta hun

mein bhi tere jaisa hun

apni dhun mein rehta hun

mein bhi tere jaisa hun

O pichli rut key sathi

ab key baras mein tanha hun

terei gali mein sara din

dukh key kankar chunta hun

mujh sey aankh milaey kon

mein tera aaeena hun

mera diya jalaey kon

mein tera khali kamra hun

terey siwa mujhe pehne kon

mein tere tan ka kapra hun

tuu jeevan ki bhari gali

mein jangle ka rasta hun

aati rut mujhe roey gi

jati rut ka jhonka hun

apni lehr hai apna rog

darya hun aur pyasa hun

(Nasir Kazmi)

ishq mein jeet hui yaa maat

aaj ki raat na chairhh ye baat

ishq me jeet hui ya maat

aaj ki raat na chairhh ye baat

yun aaya wo jan e bahar

jaise jag mein pheley baat

rang khuley sehraa ki dhoop

zulf ghaney jangle ki raat

kuch na kaha aur kuch na suna

dil mein reh gai dil ki baat

yaar ki nagri koson door

kaise katey gi bhari raat

basti walo se chup kar

ro lete hein pichli raat

sannaton mein suntey hein

suni sunaai koi baat

phir jarey ki rut aai

chota din aur lambi raat

(Nasir Kazmi)

justuju khoey huo'on ki

chand key hamrah ham har shab safar karte rahe

justuju khoey huo'on ki umr bhar karte rahe

chand key hamrah ham har shab safar karte rahe

raston ka ilm tha na ham ko simton ki khabar

shehr-e-na maloom ki chahat magar karte rahe

ham ney khud sey bhi chupaya aur sarey shehr ko

terey janey ki khabar deewar o dar karte rahe

wo na aaey ga hamey maloom tha uss sham bhi

intzaar uss ka magar kuch soch kar karte rahe

aaj ayaa hai hame bhi unn urano ka khayal

jin ko terey zo'am men be baal o par karte rahe

(Perveen Shakir)

yehi nahi koi toofan meri talash mein hai

ke mosam gham e jana meri talash me hai

yehi nahi koi toofan meri talash mein hai

ke mosam gham janaa meri talash mein hai

wisaal rut hai magar dil ko aisa lagta hai

sitara e shab hijraan meri talash mein hai

mein faisley ki gharri sey guzar chuki hun magar

kisi ka deeda e hairaan meri talash mein hai

ye bey yaqeen si aasoodgi batati hai

ke ek qarya e veeran meri talash mein hai

mein teergi mein mohabbat ki ek kahani hun

mooi charagh sa unwaan meri talash mein hai

ye kaisa khwab tha dharka sa lag gaya dil ko

ke ek shakhs pareshan meri talash mein hai

(Noshi Gilani)

bohat tareek sehraa ho gaya hai

hawa ka shor gehra ho gaya hai

bohat tareek sehraa ho gaya hai

hawa ka shor gehra ho gaya hai

kisi key lams ka ye mo'ojaza hai

badan sara sunehra ho gaya hai

ye dil dekhun ke jis key chaar janib

teri yaadon ka pehraa ho gaya hai

wohi hai khal o khad mein roshni see

pe til ankho ka gehraa ho gaya hai

kabhi es shakhs ko dekha hai tum ney

mohabbat sey sunehra ho gaya hai

(Noshi Gilani)

kon bhanwar mein mallahon sey ab takrar kare ga

ab tou qismat sey hi koi darya par kare ga

kon bhanwar mien mallahon sey ab takraar kare ga

ab tou qismat sey hi koi darya par kare ga

sara shehr hi tareeki par yun khamosh raha tou

kon charagh jalaney key paida aasaar kare ga

jab es ka kirdaar tumhare sach ki zad meN aaya

likhney wala shehr ki kaali har deewar kare ga

jane kon see dhun mein tere shehr mein aa nikley hein

dil tujh sey milney ki khwahish ab so baar kare ga

dil mien tera qayam tha lekin ab ye kisey khabar thi

dukh bhi apney honey par itna israar kare gaa

(Noshi Gilani)

ye hooryan farangi dil o nazar ka hijaab

bahisht maghrabiyan jalwa e ha'ey paa barakaab

ye hooryan farangi dil o nazar ka hijaab

bahish maghrabiyan jalwa e ha'ae paa barakaab

dil o nazar ka safeena sanbhal kar le ja

meh wa sitara hein bahr wujood mein girdaab

jahan sot o sada me sama nahi sakta

lateefa e azli hai fughan chang o rabaab

sikha dey hein esey shaiwa haae khanqahi

faqeeh shehr ko sufi ney kar dya hai kharab

wo sajda rooh zamin jis sey kaanp jati thi

isi ko aaj tarastey hein manbar o mehraab

suni na misr o falasteen mein wo azaan mein ne

dya tha jis ny paharon ko re'esha seemaab

hawaae qartaba shayad ye hai asar tera

meri nawa mein hai soz o suroor ehd e shabab

یہ حوریان فرنگی دل و نظر کا حجاب

بہشت مغربیاں جلوہ ہائے پا برکاب

دل ہ نظر کا سفینہ سنبھال کر لے جا

مہ و ستارہ ہیں بحر وجود میں گرداب

جہان صوت و صدا میں سما نہیں سکتی

لطیفہٴ ازلی ہے فغان چنگ و رباب

سکھا دیے ہیں اسے شیوہ ہائے خانقہی

فقیہ شہر کو صوفی نے کر دیا ہے خراب

وہ سجدہ روح زمیں جس سے کانپ جاتیتھی

اسی کو اآج ترستے ہیں منبر و محراب

سنی نہ مصر و فلسطین میں وہ اذاں میں نے

دیا تھا جس نے پہاڑوں کو رعشہٴ سیماب

ہوائے قرطبہ شاید یہ ہے اثر تیرا

مری نوا میں ہے سوز و سرور عہد شباب

sama sakta nahin pehnaey fitrat mein mera soda

ghalat tha aey junoon shayad tera andaza e sehra

sama sakta nahin pehnaey fitrat mein mera soda

ghalat tha aey junoon shayad tera andaz e sehra

khudi se es tlism rang o buu ko torr saktey hen

yehi toheed thi jis ko na tuu samjha na mein samjha

nigah paida kar aey ghafil tajalli a'ain fitrat hai

ke apni moj sey begana reh sakta nahi darya

raqabat ilm o irfan mein ghalat beeni hai manbar ki

ke wo hallaj  ki sooli ko samjha hai raqeeb apna

khuda key pak bandon ko hukoomat mein ghulami mein

zara koi agar mehfooz rakhti hai tou istighnaa

na kr taqleed aey Jibreel merey jazb o masti ki

tan aasaan arshyon ko zikr o tasbeeh wa tawaf uoolaa

bohat dekhey hein mein ney mashriq o maghrib key mai khaney

yahan saqi nahi paida wahan bey zoq hai sehbaa

na iran mein rahe baqi na turaan mein rahe baaqi

wo bandey faqr tha jin ka halak Qaiser o Kisra