hamesha der kar deta hun mein

hamesha der kar deta hun me har kam karne me

hamesha der kar deta hun me har kam krne me

zaruri baat kehni ho koi wada nibhana ho

usey awaz deni ho usey wapas bulana ho

hamesha der kar deta hun me

madad karni ho us ki, yaar ki dharas bandhana ho

bohat dereena rasto per kisi se milne jana ho

hamesha der kar deta hun me

badaltey mosmo ki sair me dil ko lagana ho

kisi ko yaad rakhna ho kisi ko bhool jana ho

hamesha der kar deta hun me

kisi ko mot se pehle kisi gham se bachana ho

haqeeqat aur thi kuch is ko ja ke ye batana ho

hamesha der kar deta hun me har kaam karne me

(Munir Niazi)

ہمیشہ دیر کر دیتا ہوں میں ہر کام کرنے میں

ضروری بات کہنی ہو کوئی وعدہ نبھانا ہو

اسے آواز دینی ہو اسے واپس بلانا ہو

ہمیشہ دیر کر دیتا ہوں میں

مدد کرنی ہو اس کی، یار کی ڈھارس بندھانا ہو

بہت دیرینہ رستوں پر کسی سے ملنے جانا ہو

ہمیشہ دیر کر دیتا ہوں میں

بدلتے موسموں کی سیر میں دل کو لگانا ہو

کسی کو یاد رکھنا ہو کسی کو بھول جانا ہو

ہمیشہ دیر کر دیتا ہوں میں

کسی کو موت سے پہلے کسی غم سے بچانا ہو

حقیقت اور تھی کچھ اس کو جا کے یہ بتانا ہو

ہمیشہ دیر کر دیتا ہوں میں ہر کام کرنے میں

﴾منیر نیازی﴿