in ki palkon per sitary apney honton per hansi

Qissa e gham kehte kehte hum kahan tak aa gaey

in ki palkon per sitarey apney honton per hansi

Qissa e gham kehte kehte hum kahan tak aa gaey

apni apni justuju hai apna apna shoq hai

tum hansi tak bhi na pohnchey hum fughan tak aa gaey

zulf mein khushbu na thi ya rang aariz mein na tha

aap kis ki aarzu mein gulistan tak aa gaey

rafta rafta rang laya jazb e khamoshi e ishq

wo taghaful karte karte imtihan tak aa gaey

khud tumhen chaak e giribaan ka shaoor aa jaey gaa

tum wahan tak aa tou jao, hum jahan tak aa gaey

aaj qabil mae kadeymein inqalab aaney ko hai

ahl dil andesha e sood o zyaan tak aa gaey

wo ajeeb subh e bahar thi

ko sehr sey noha giri rahi

wo ajeeb subh bahar thi

ke sehr sey noha giri rahi

meri bastyan theen dhuan dhuan

mery ghar mein aag bhari rahi

mery rastey they lahu lahu

mera qarya qarya fagar tha

ye kaf e hwa pe zamin thi

wo falak ke musht e ghubar tha

kai abshar sey jism they

ko jo qatra qatra pighar gaey

kai khush jamal tlism they

jinhen gird bad nigal gaey

koi khwab nok sana pe tha

koi arzu tah e sang thi

koi phool abla abla

koi shakh marqad rang thi

kai lapata meri la'batin

jo kisi taraf ki na ho sakin

jo na aney walo key sath theen

jo na janey walo ko ro saken

kahin tarsaz sey kat gai

kisi matraba ki rag gulu

mae atisheen mein wo zehr tha

ke trkh gaey qadah wa saboo

koi nay nawaz tha dam bkhud

ke nafs sey hiddat jan gai

koi sar ba zano tha ba'rubd

ke sada e dost kahan gai

kahin naghmagi mein wo bane they

ke sama'aton ney suney nahi

kahin goonjtey they wo marsiye

ke Anees ne bhi kahe nahi

ye jo sang rezon ke dher hein

yahan motiyon ki dukan thi

ye jo saebaan dhuwen ke hien

yahan badalon ki uraan thi

jahan roshni hai khandar khandar

yahan qumqumon sey jawan they

jahan chyutian huin khaima zan

yahan jugnu'oon key makan they

kahin abgeena khayal ka

ke jo karb zabt sey choor tha

kahin aeena kisi yaad ka

ke jo aks yaar sey door tha

mery bismilon ki qana'atein

jo barhaein zulm key hosley

mery abu'oon ka chakeeda khoon

jo shikaryon ko suragh dey

meri adal gahon ki maslehat

mery qatilon ki wakeel hai

mery khanqahon ki manzilat

meri buzdili ki daleel hai

mery ahl e harf o sukhn sara

jo gadagaro me badal gaey

mery ham safeer they heela juu

kisi aur simt nikal gaey

kai fakhtaon ki chaal mein

mujhe kargason ka chalan laga

kai chaand bhi they syah ruu

kai soorajon ko gehen laga

koi tajir hasab o nasb

koi deen farosh qadeem hai

yahan kafash bar bhi imam hen

yahan naat khwan bhi kaleem hai

koi fikr mand kulah ka

koi daawa dar quba ka hai

wohi ehl dil bhi hein zeb e tan

jo libas ahl e raya ka hai

mery pasban, mery naqab zan

mera mulk milk yateen hai

mera dais meer sipah ka

mera sheher mal e ghaneem hai

jo rawish hai sahib e takht ki

so msahibon ka tareeq hai

yahan kotwal bhi duzd shab

yahan sheikh deen bhi fareeq hai

yahan sab key nirkh juda juda

esey mol lo esey tol do

jo talab kare koi khoon baha

tuu dahan khazaney key khol do

wo jo sarkashi ka ho mutakab

esey qumchyon sey zuboon karo

jahan khalq shehr ho mushtail

esey golyon sy nigoon karo

magar aisey aisey ghani bhi they

esi qehet zar damishq mein

jinhen kuey yaar aziz tha

jo kharey they maqtal ishq mein

koi bankpan mein tha koh kan

tuu junoon mein Qais sa tha koi

jo surahiyan lye jism ki

mae naab khoon sey bhari hui

they sada balb ke pyo pyo

ye sabeel ahl wafa ki hai

ye nasheed nosh e badan karo

ye kasheed tak e wafa ki hai

koi tashna lab hi na tha yahan

jo pukarta ke idher udher

sabhi muft bar they tamasha hein

koi bazm mein koi baam par

sabhi be hisi key khumaar mein

sabhi apney haal mein mast they

sabhi rahrawan e rah e adam

magar apney zo'om mein bast they

so lahu k jaam undel kar

mery janfarosh chale gaey

wo sukoot tha sar mae kada

ke wo kham badosh chaley gaey

koi mahbason mein rasan ba pa

koi maqtalon mein dareeda tan

na kisi key haath mein shakh ney

na kisi ky lab pe gul sukhun

isi arsa shab taar mein

yunhi ek umr guzar gai

kabhi roz wasl bhi dekhtey

ye jo arzoo thi wo mar gai

yahan roz hashar bapa hue

pe koi bhi roz jaza nahi

yahan zindagi bhi azaab hai

yahan mot bhi shafa nahi

(Ahmad Faraz)

lab e khamosh sey izhar tamanna chahen

baat karney ko bhi tasweer ka lehja chahen

lab e khamosh sey izhar tamanna chahen

bat karney ko bhi tasweer ka lehja chahen

tou chaley sath tou aahat bhi na aey apni

darmyan hum bhi na hon yun tujhy tanha chaheyn

zahiri ankh sey kya dekh sake ga koi

apney batin pe bhi hum fash na hona chahen

jism poshi ko miley chadar aflak hume

sar chupaney ky lye wusat e sehra chahen

khwab mein ro'oeyn tou ehsas ho serabi ko

rait per so'oeyn magar ankh mein darya chahen

bhaint charh jaon na mein apney hi khair o shar ki

khoon e dil zabt karen, zakhm e tamasha chahen

zindagi ankh sey ojhal ho magar khatam no ho

ek jahan aur pas e parda dunya chahen

aaj ka din tou chalo kat gaya jaisey bhi kata

ab khudawand sey khairyat e farda chahen
aisey tairak bhi dekhey hein muzaffar hum ney
gharq honey ky lye bhi jo sahara chahen

kal shab jo mein ney khwab dekha

ek paikar e ijz aalam shabab dekha

kal shab jo mein ney khwab dekhaek paikar e ijz alam shabab dekhawo mangti thi sar jhukaey duaudas chehra malboos hijab dekhazer e lab yun shiddat sey goya huibehte ansuo'onka ek sailab dekhakhuda janey kya dukh tha esy likeinkhud par es ka asar be hisab dekhabohat poocha, par wo kahan thi muwajabe basi sey barh kar na azab dekhawo anjan sa chehra bhoolta hai kahanjisey gehri neend mein ham rakab dekhayun dil ka dil sey milna, cheez oy kia?parha, swcha, khulta ishq ka bab dekhaalam bedari mein bey soorat wohi kashifkal jazbon mein mohabbat ko lajwab dekha

baqi jahan me qais na farhad reh gaya

afsana ashiqon ka faqat yad reh gaya

baqi jahan men qais na farhad reh gaya

afasana ashiqon ka faqat yad reh gaya

ye sakht-jan to qatl se nashad reh gaya

khanjar chala to baazu e jallad reh gaya

pabandiyon ne ishq ki bekas rakha mujhe

main sou asiriyon men bhi azaad reh gaya

chashm e sanam ne yun to bigare hazar ghar

ik kaba chand roz to abad reh gaya

mahshar men ja e shikwa kiya shukr yar ka

jo bhulana tha mujh ko wohi yad reh gaya

un ki to ban pari ki lagi jan muft hath

teri girah men kya dil e nashad reh gaya

pur noor ho rahega ye zulmat kada agar

dil men buton ka shauq e khuda dad reh gaya

yun ankh un ki kar ke ishara palat gai

goya ke lab se ho ke  kuch irshad reh gaya

naseh ka ji chla tha hamari tarha magar

ulfat ki dekh dekh ke uftad reh gaya

hen tere dil men sab ke thikaney burey bhaley

men khanaman kharab hi barbad reh gaya

wo din gaey ke thi mere seeney men kuch kharash

ab dil kahan hai dil ka nishan yad reh gaya

soorat ko terei dekh ke khinchti hai jan khalq

dil apna tham tham key bozad reh gaya

aey Daagh dil hi dil men ghuley zabt ishq sey

afsos shoq nala o faryad reh gaya

ajab apnaa haal hota jo visal e yaar hota

kabhi jaan sadqe hoti kabhi dil nisaar hota

ajab apna haal hota jo visaal e yaar hota

kabhi jan sadqe hoti kabhi dil nisar hota

koi fitna ya qayamat na phir ashkar hota

tere dil pe kash zalim mujhe ikhtyaar hota

jo tumari tarha tum se koi jhute wade karta

tumhin munsifi se keh do tumhen e'tibaar hota

gham e ishq men maza tha jo usey samajh ke khatey

ye wo zehr hai ke aakhir mai e khush gawaar hota

ye maza tha dil lagi ka ke barabar aag lagti

na tujhey qarar hota na mujhe qarar hota

ye maza hai dushmani men na hai lutf dosti men

koi ghair ghair hota koi yar yar hota

tere wadey per sitamgar abhi aur sabr kartey

agar apni zindagi ka hamey e'tibar hota

ye wo dard e dil nahi ha ke ho charasaz koi

agar ek bar mit'taa to hazar baar hota

gaey hosh terey zahid jo wo chashm e mast dekhi

mujhe kya ulat na detey jo na bada khwar hotaa

mujhey mantey sab aisa ke aduu bhi sajdey kartey

dar e yar ka'ba banta jo mera mazar hota

tumhen naz ho na kyunkar ke liya hai 'Dagh' ka dil

ye raqam na hath lagti na ye iftikhar hota

(Daagh Dehelvi)

aap ka eit'baar kon kare

roz ka intizaar kaun karey

aap ka eit'baar kaun karey

roz ka intezaar kaun karey

zikr e mehr o wafa to ham karte

phir tumhen sharmsar kaun kare

ho jo us chashm e mast se be khud

phir usey hoshyaar kaun karey

tum to ho jaan ek zamaney kii

jaan tum par nisaar kaun karey

aafaat e rozgaar jab tum ho

shikwa e rozgaar kaun karey

apni tasbih rehney de zaahid

daana danaa shumar kaun karey

hijr men zehr kha key mar jaa'un

mout ka intizaar kaun karey

ankh hai tark e zulf ha sayyaad

dekhen dil ka shikar kaun kare

vada karte nahin ye kehte hein

tujh ko umeedwaar kaun karey

'Dagh' ki shakal dekh kar boley

aisi soorat ko pyaar kaun karey

khat mein likhey huey ranjish key kalam aatey hein

kis qayamat key ye namey, mery naam atey hein

khat mein likhey huey ranjish key kalam atey heinkis qayamat key ye namey.merey naam atey heintaab-e-nazara kisey dekhey jo in key jalweybijliyan kondti hein, jab lab-e-baam atey heintuu sahi hashar mein tujh sey jo na ye kehwa duundost wo hotey hein jo waqt pe kaam atey heinrehber o rah e mohabbat ka khuda haafiz haies men do chaar bohat sakht maqaam atey heinwo dara hun key samjhta hun ye dhoka tou na hoabb wahan sey jo mohabbat key payam atey hensabar karta hai kabhi aur tarapta hai kabhidil e nakaam ko apney yehi kaam atey heinna kisi shakhs ki izzat na kisi ki toqeeraashiq aatey hein tumharey. ke ghulam atey heinrasm e tehrir bhi mit jaey, yehi matlab haiun ke khat mein mujhey ghairon key salam atey henwasl ki raat guzar jaey na by lutfi meinke mujhy neend key jhonkey sar e shaam atey heinDaagh ki tarha sey gul hotey hen sadqey qurbanbaher gul gasht e chaman mein jo nizaam atey hein

(Daagh Dehelvi)