Poetry of Iqbal

Alama Iqbal (Bale jibril)

نگاہِ فقر میں شانِ سکندری کیا ہے                        خراج کی جو گدا ہو وہ قیصری کیا ہے

بُتوں سے تجھ کو اُمیدیں خدا سے نومیدی               مجھے بتا تو سہی اور کافری کیا ہے

فلک نے اُن کو عطا کی ہے خواجگی کہ جنہیں       خبر نہیں روِشِ بندہ پروری کیا ہے

فقط نگاہ سے ہوتا ہے فیصلہ دل کا                        نہ ہو نگاہ میں شوخی تو دلبری کیا ہے

اسی خطا سے عتابِ ملوک ہے مجھ پر                  کہ جانتا ہوں مآلِ سکندری کیا ہے

کسے نہیں ہے تمنائے سروی لیکن                       خودی کی موت ہو جس میں وہ سروری کیا ہے

خوش آگئی ہے جہاں کو قلندری میری                   وگرنہ شعر مرا کیا ہے شاعری کیا ہے

Nigah-e-faqr men shan-e-sikandari kya hai

Khiraj ki jo gada ho wo qaisri kya hai

buton se tujh ko aumeedi Khuda se nau-meedi

mujhe bata tou sahi aur kafiri kya hai

Falak ne unko ataa ki ha khwajgi ke jinhen

Khabar nahi rawish-e-banda parwari kya hai

faqat nigah se hota hai faisla dil ka

na ho nigah me shokhi tou dilbari kya hai

isi khata se etaab-e-mulook hai mujh par

ke janta hun maal-e-sikandari kya hai

kise nahi hai tamanna-e-sarwari lekin

khudi ki mout ho jis men wo sarwari kya hai

khush aa gai jahan ko qalandri meri

wagarna sher mera kya hai shairi kya hai