jo chal sako tou koi aisi chaal chal jana

mujhe guman bhi na ho aur tum badal jana

jo chal sako tou koi aisi chaal chal jana

mujhe guman bhi na ho aur tum badal jana

ye sho'lgee ho badan ki tou kya kya jaey

so lazmi tha tery pai'rhan ka jal jana

tum karo tou koi darman ye waqt aa pohncha

ke abb tou chara garon ko bhi hath mil jana

abhi abhi tou judai ki shaam ayee thi

hame ajeeb laga zindagi ka dhal jana

saji sajai hui mot zindagi tou nahi

mo'orikhon ney mqabir ko bhi mehal jana

ye kya ke tuu bhi es sa'at zawal mein hai

ke jis tarha hai sabhi soorajon ko dhal jana

har ek eshq ke baad aur uss ke ishq ky baad

Faraz itna bhi aasaan na tha sanbhal jana

(Ahmed Faraz)

kabhi kaha na kisi sey terey fasaney ko

na janey kaise khabar ho gai zamaney ko

kabhi kaha na kisi sey terey fasaney ko

na janey kaise khabar ho gai zamaney ko

dua bahaar ki mangi tou itney phool khiley

kahin jaga na rahi merey ashyaney ko

meri lahad pe patango ka khoon hota hai

huzoor shama na laya karen jalaney ko

suna hai ghair ki mehfil mein tum na jao gey

kaho tou aaj saja loon ghareeb khaney ko

daba key qabar mein sab chal dye dua na salam

zara see der mein kya ho gaya zamaney ko

abb agey es mein tumhara bhi naam aey ga

jo hukm ho tou yahin chorr dun fasaney ko

qamar zara bhi nahi tum ko khauf ruswai

chaley ho chandni shab mein inhein mananey ko

gaey dino ka suragh le kr kidhar se aya kidher gaya wo

ajeeb manoos ajnabi tha mujhe to hairan kar gaya wo

gae dino ka suragh le kar kidhr se aya kidhr gaya wo

ajeeb manoos ajnabi tha mujhe to hairan kar gaya wo

bas ek moti si chhab dikha kar bas ek mithi see dhun suna kar

sitara e sham ban ke aya ba rang e khwab e sahar gaya wo

khushi ki rut ho ke gham ka mausam nazar usey dhundti hai har dam

wo buu e gul thaa ki naghma e jan mere to dil men utar gaya wo

na ab wo yadon ka charhta darya na fursaton ki udas barkha

yunhi zara see kasak hai dil men jo zakham gahra tha bhar gaya wo

kuch ab sambhalney lagi hai jaan bhi badal chala daur e asman bhi

jo raat bhaari thi tal gai ha jo din kara tha guzar gaya wo

bas ek manzil hai bul hawas ki hazaar raste ein ahl e dil ke

yahin tou hai farq mujh mein us men guzar gaya main thahar gaya wo

shikasta paa raah mein khara hun gae dino ko bula raha hun

jo qaafila mera hum safar tha misal e gar e safar gaya wo

mera tuu khun ho gaya hai pani sitamgaron ki palak na bhigi

jo nala utha tha raat dil se na jane kyun be asar gaya wo

wo maikadey ko jaganey wala wo rat ki neend uraney wala

ye aaj kya uss ke jee mein aai ke sham hote hi ghar gaya wo

wo hijr ki raat ka sitara wo ham nafas ham sukhan hamara

sada rahe uss ka naam pyara suna hai kal rat mar gaya wo

wo jis ke shane pe hath rakh kar safar kiya tuu ne manzilon ka

teri gali se na janey kyun aaj sar jhukaey guzar gaya wo

wo rat ka be nawa musafir wo tera shair wo tera Naasir

teri gali tak to ham ne dekha tha phir na janey kidhar gaya wo

di dharakne ka sabab yaad aya

wo teri yad thi ab yaad aya

dil dharakene ka sabab yaad ayawo teri yad thi ab yaad ayaaaj mushkil tha sambhalan aye dosttuu musibat mein ajab yaad ayadin guzaara tha bari mushkil seyphir tera wada e shab yaad ayatera bhula hua paiman e wafa mar rahenge agar ab yaad ayaphir kai log nazar se guzrephir koi shahr e tarab yad ayahaal e dil ham bhi sunate lekinjab wo rukhsat hua tab yaad ayabaith kar saya e gul mein naasirham bohat roe wo jab yaad aya

(Nasir Kazmi)

waqt ki umer kya bari ho gi

ek terey wasl ki ghari ho gi

waqt ki umer kya bari ho giek tery wasl ki ghari ho gidastaken dey rahi hai palkon perkoi barsat ki jharri ho gikya khabr thi ke nok e khanjar bhiphool ki ek pankhari ho gizulf bal kha rahi hai mathey perchandni sey saba lari ho giaey adam key musafir o hushyarrah mein zindagi khari ho gikyun girah gaisuo'on mein dali haijan kisi phool ki arri ho giiltija ka malal kya kijyeen key dar par kahin pari ho gimot kehte hein jis ko aey Saghar!zindagi ki koi kari ho gi...

(Saghar Siddiqi)

mein aaina tha wo mera khayal rakhti thi

mein toot'ta tha tou chun kar sanbhal rakhti thi

mein aaina tha wo mera khayal rakhti thi
mein toot'ta tha tou chun kar sanbhal rakhti thi
har ek masley ka hal nikal rakhti thi
zaheen thi mujhe hairat mein daal rakhti thi
mein jab bhi tark e ta'luq ki baat karta tha
wo rokti thi mujhe kal pe taal rakhti thi
bas ek wo thi jisey gaon mein dekhta tha
bas ek wo jo andamal rakhti thi
wo mere wastey khud ko nidhaal rakhti thi
to doobney nahi deti thi dukh ke darya mein
mere wujood ki nao uchal rakhti thi
duaen us ki balaon ko rok leti hein
wo mere char soohathon ki dhaal rakhti thi
ek aisi dhun key phir kabhi mein ne suni
wo munfarid sa hansi mein kamal rakhti thi
usey nadamatein meri kahan gawara theen
wo mere wastey asaan sawal rakhti thi
bicharr ke uss sey mein dunya ki thokaron mein hoon Mohsin
wo paas thi tou mujhey lazawaal rakhti thi
xheher tha naam ujaley ghulam they as key
wo zindagi key andherey ujal rakhti thi
wo muntazir meri rhti thi dhoop mein shayad
mein lot'ta tha tou chaon nikaal rakhti thi