﴿بالِ جبریل﴾

پھر چراغِ لالہ سے روشن ہوئے کوہ دمن

مجھ کو پھر نغموں پہ اُکسانے لگا مرغِ چمن

پھول ہیں صحرا میں یا پریاں قطار اندر قطار

اُودے اُودے، نیلے نیلے، پیلے پیلے پیرہن

برگِ گُل پر رکھ گئی شبنم کا موتی بادِ صبح

اور چمکاتی ہے اس موتی کو سورج کی کرن

حُسن بے پروا کو اپنی بے نقابی کے لیے

ہوں اگر شہروں سے بن پیارے تو شہر اچھے کہ بَن

اپنے من میں ڈوب کر پاجا سراغِ زندگی

تو اگر میرا نہیں بنتا نہ بن، اپنا تو بن

من کی دنیاإ من کی دنیا سوزو مستی، جذب وشوق

تن کی دنیاإ تن کی دنیا سُودو سودا، مکروفن

من کی دولت ہاتھ آتی ہے تو پھر جاتی نہیں

تن کی دولت چھاؤں ہے آتا ہے دَھن جاتا ہے دَھن

من کی دنیا میں نہ پایا میں نے افرنگی کا راج

من کی دنیا میں نہ دیکھے میں نے شیخ وبرہمن

پانی پانی کر گئی مجھ کو قلندر کی یہ بات

تو جُھکا جب غیر کے آگے، نہ من تیرا نہ تن

Phir charagh-e-lala sey roshan huey koh-o-daman

mujh ko phir naGhmon pe uksaney laga murgh-e-chaman

phool hein sehra mein ya paryan qatar andar qatar

oodey oodey, neeley neeley,, peeley peeley pay'rehn

barg-e-gul per rakh gai shabnam ka moti bad-e-saba

aur chamkati hai es moti ko suraj ki kiran

husn-e-be parwah ko apni be-naqabi key liye

hon ager shehron sey bin pyarey tou sheher achey key ban

apney mann me doob kar paa jaa suragh-e-zindagi

tu agar mera nahi banta na ban, apna tou ban

man ki dunya! man ki dunya soz-o-masti jazb-o-shoq

tann ki dnia! tann ki dunya sood-o-soda, makr-o-fan

mann ki dolat hath aati hai tou phir jati nahi

tann ki dolat chaaon hai, aata ha dhan jata hai dhann

mann ki dunya me no paya me ney afrangi ka raaj

mann ki dunya me na dikhy me ney sheikh-o-barhaman

paani paani kar gai mujh ko qalandar ki ye baat

tu jhuka jab ghair key agey, no mann tera na tann

(Baal-e-Jibreel)