patjhar se gila ha na shikayat hawa se hai

Patjhar se gila ha, na shikayat hawa se hai

phoolon ko kuch ajeeb muhabbat hawa se hai

sarshari, shaguftagi gull ko hai kya khabar

mansoob ek aur hikayat hawa se hai

rakha hai andhyon ne hi, hum ko kasheeda sar

ham wo charagh hein jinhein nisbat hawa se hai

uss ghar me tairgi ke siwa kya rahe, jahan

dil shamma per hein, aur iradat hawa se hai

bas koi cheez ha, ke sulagti ha dil ke paas

ye aag wo nahi, jise sohbat hawa se hai

sar sar ko azzan ho jo saba ko nahi hai bar

ganj qafas men zeest ki soorat hawa se hai

gulcheen ko hi kharaam-e-saba se nahi hai khar

ab ke tuu baghban ko adawat hawa se hai

khushboo hi rang bharti hai tasweer bagh men

bazm-e-khabar men, gul ki siyadat hawa se hai

dast-e-shajar me rakhey, ke aa kr bakhair dey

aaeene-e-gull me khas reya'at hawa se hai

ab ke bahar dekheye, kya gull khilaey gi

dil dadgan-e-rang ko, wehshat hawa se hai

(Perveen Shakir)

پت جھڑ سے گلہ ہے، نہ شکایت ہوا سے ہے

پھولوں کو کچھ عجیب محبت ہوا سے ہے

سرشاریِ شگفتگیِ گل کو ہے کیا خبر

منسوب ایک اور حکایت ہوا سے ہے

رکھا ہے اندھیوں نے ہی، ہم کو کشیدہ سر

ہم وہ چراغ ہیں جنہیں نسبت ہوا سے ہے

اس گھر میں تیرگی کے سوا کیا رہے، جہاں

دل شمع پر ہیں، اور ارادت ہوا سے ہے

بس کوئی چیز ہے، کہ سلگتی ہے دل کے پاس

یہ آگ وہ نہیں، جسے صحبت ہوا سے ہے

صرصر کو اذن ہو جو صبا کو نہیں ہے بار

گنج قفس میں زیست کی صورت ہوا سے ہے

گلچیں کو ہی خرامِ صبا سے نہیں ہے خار

اب کے تو باغباں کو عداوت ہوا سے ہے

خوشبو ہی رنگ بھرتی ہے تصویر باغ میں

بزمِ خبر میں، گل کی سیادت ہوا سے ہے

دستِ شجر میں رکھے، کہ آکر بکھیر دے

آئینِ گل میں خاص رعایت ہوا سے ہے

اب کے بہار دیکھیے، کیا گل کھلائے گی

دل دادگانِ رنگ کو، وحشت ہوا سے ہے۔

﴾پروین شاکر﴿