Khuli ankhon me sapna jhankta hai
wo soya hai ke kuch kuch jagta hai
teri chahat ke bheegey jangalo mein
mera tann, morr ban ke nachta hai
mujhe har kaifiyat mein kyun na samjhey
wo mere sab hawaley jantaa hai
mein uss ki dastaras me hun, magar wo
mujhe meri raza se mangta hai
kisi ke dhyaan me dooba hua dil
bahaney se mujhe bhi taltaa hai
sarak ko chorr kar chalna parey ga
ke merey ghar ka kaccha rastaa hai
(Perveen Shakir)
کھلی آنکھوں میں سپنا جھانکتا ہے
وہ سویا ہے کہ کچھ کچھ جاگتا ہے
تری چاہت کے بھیگے جنگلوں میں
مرا تن، مور بن کر ناچتا ہے
مجھے ہر کیفیت میں کیوں نہ سمجھے
وہ میرے سب حوالے جانتا ہے
میں اس کی دسترس میں ہوں، مگر وہ
مجھے میری رضا سے مانگتا ہے
کسی کے دھیان میں ڈوبا ہوا دل
بہانے سے مجھے بھی ٹالتا ہے
سڑک کو چھوڑ کر چلنا پڑے گا
کہ میرے گھر کا کچا راستہ ہے
﴾پروین شاکر﴿
No comments:
Post a Comment