Ghazal
ankhon ne kaise khwab tarashey hein in dino
dil per ajeeb rang utertey hein in dino
rakh apne pas apney ma o meher aye falak
hum khud kisi ki ankh ke tarey hein in dino
dast-e-sahar ney mang nikali ha barhaa
aur shab ne aa ke baal sanwarey hein in dino
es ishq ney hamey hi nahi mu'tadil kiya
es ki bhi khush mizaji ke charchey hein in dino
ek khushgawar neend pe haq ban gaya mera
wo rut jagey es ankh ney katey hien in dino
wo qeht-e-husn hai ke sabhi khush jamal log
lagta ha koh-o-qaf pe rehte hien in dino
(Perveen Shakir)
Shandar intikhab
ReplyDelete